Allen den ghenen die dese l(ette)ren selen sien oft hoiren lesen/ burg(er)meesteren scepen(en) en(de) raet der stad van loeven(en) saluit/ Doen te weten dat opden dach van heden datum van desen voir/ ons comen is in p(ro)pren p(er)sone gerardus van baussele onse sec(re)t(aris)/ ende heeft geconstituert gesedt volcomen macht p(ro)cu(ra)cie ende/ auc(tori)teyt gegeve(n) janne blanckart romboute van baussele brueder/ des voirs(creven) gerarts henr(icke) vasont peter beyart clerc roelof/ vander elst janne van nederhem wynne des voirs(creven) gerarts tot/ cortenaken janne van tyesbeke van cortenake willem(me) va(n) leele/ ende reyne(r) de gouwere des voirs(creven) gerarts knape oft de(n) eene(n)/ van hen bring(er)e sbriefs alle ende yegewelke zijn sake(n) questien/ ende gescillen die hij alsnu uutstaende heeft oft namaels hebbe(n)/ soude moegen voir wat gerichte gheestelijc oft weerlijc dat/ dat zijn oft gescien mochte alle des selfs gerarts jaergulden/ opcomingen ende vervallen goede beruerlijc ende onberuerlijcke/ chijsen renten erfpachten als hij heeft ende men hem sculdich is/ oft namaels soude moegen werden in e(n)niger maniere(n) Te verwaren/ te manen teysscen op te buere(n) en(de) tontfange(n) dair voir te dage(n) te/ p/
//
panden te beleyden rasteme(n)te te doen leggen die met rechte te/ exequere(n) te vervolgen te bedingen ende te vordere(n) alle scepen(en)/ brieve met rechte te vonnissen ende vorderinge d(air) af te neme(n)/ ende te doen na costume ende gewoente vande(n) plaetsen dair/ dat behoire(n) sal oft behoeve(n) soude moege(n) En(de) ofts noot geboirde/ voir alle richte(re)n gheestelijc ende weerlijck met rechte alle des/ voirs(creven) gerarts saken te (con)teste(re)n te decline(re)n texcipiere(n) te reco(n)veniere(n)/ te v(er)antwerden te bescudden te bedinge(n) te wynne(n) te verliesen/ alle gescriften ende libelle(n) ov(er) te gheve(n) en(de) te neme(n) te replice(re)n/ te duplice(re)n alsoe wel int p(ri)ncipael als int accessoir alsoe dicwile/ en(de) menichw(er)ven als des te doen sal zijn getuge(n) met rechte te/ versueken bedwongen te werden tot huerre deposicien die te/ leyden der wed(er)p(ar)tien getuge(n) te sien zwere(n) die te battere(n) hue(r)/ deposicie(n) te wed(er)leggen alsoe dicwile en(de) menichwerve(n) alst be/ hoiren sal oft behoeven soude moegen Allet des voirscr(even) steet/ alsoe wale donberuerlike goede chijse(n) rente(n) erfpachte(n) voirs(creven) als and(er)s/ met rechte te wynne(n) ende te verliesen die saken bij beroepe oft/ appellacien te moegen vervolgen de vo(n)nissen van dien en(de) alle(n)/ andere(n) hueren constitucien aengaende te verwachten tgewijsde/ te v(er)volgen ende te doen exequere(n) composicie en(de) mynlike yffeni(n)ge/ van al des voirs(creven) is te maken den sculders van des zij ontfange(n)/ selen oft enich van hen ontfangen sal te quitere(n) ende volcome(n)/ quitan(cie) te gheven Ende voirtaen generalijc en(de) specialijc d(air) inne/ te doene ende te vorde(re)n alle tgene des de voirs(creven) drie p(er)sone oft [gerardus]/e(n)nich van hen selve soude(n) moegen doen oft vorde(re)n in e(n)niger/ manieren waert dat hij telker tijt ende plaetsen jegewoirdich/ ende voir oeghen ware Ende soe wes bij den eene(n) der voirs(creven)/ p(ro)cur(eur)s in e(n)nich des voirs(creven) is begonne(n) oft innegesteke(n) sal werde(n)/ van rechtvorderingen oft and(er)s dat dande(r) van hen dat sal oft/ selen moegen middelen volynden voirts vordere(n) late(n) (com)ponere(n)/ oft v(er)volgen sonder yemants wederseggen Gelovende voir ons/ in goede(n) trouwen de voirs(creven) gerardus op de v(er)bintenisse va(n) alle(n)/ zijne(n) goede(n) beruerlijc en(de) onberuerlijc jeg(ewoirdich) en(de) toecomen(de) v(er)crege(n)/ ende te vercrigen(e) hoedanich die zijn hoed(anich) die zijn wair die/ bevonde(n) mochte(n) werde(n) vast (et)c(etera) salvo iusto calculo febr(uarii) s(ecund)[a]