SAL7362, Act: R°98.2-R°99.1 (207 of 492)
Search Act
previous | next
Act R°98.2-R°99.1  
Act
Date: 1468-11-29

Transcription

2019-10-24 by Karel Embrechts
Item jan vanden breyne sone wijlen pet(er)s te voe(re)n uuyt jouffr(ouwe) katlijnen/
zijnder moeder brode gedae(n) met wille ende consente arts de cock/
huers mans in deen zijde h(er)en jacoppe prieste(r) ph(ilip)s ende jouffr(ouwe)/
adelissie vanden breyne kinde(re) der voirs(creven) jouffr(ouwe) katlijne(n) ende/
brueders en(de) suster des voirs(creven) jans ter andere Te weten(e) de/
voirs(creven) jouffr(ouwe) adelissie p(ri)us ema(ncipa)[t(a)] uts(upra) renu(n)c(ians) om(n)es p(ri)vilegiis/
univ(er)sitat(is) studii lovan(iensis) et aliis quibuscu(mque) zijn met malcande(re)n/
eensworden ende overcome(n) der pointe(n) ende condicie(n) hier nae/
vercleert Dewelke zij deen dande(r) geloeft hebbe(n) voir hen ende/
hue(re)n erve(n) en(de) nacomelinge(n) onverbrekelijc tonderhoude(n) en(de) eeuwelic/
tachtervolge(n) en(de) oick deen dande(r) vandes navolge(n) sal altijt alle/
alsulke vestich(eit) te doene als den ande(re)n ten eeuwige(n) ond(er)houde(n)/
van dese(n) van rechts wege(n) soude moege(n) behoeve(n) Yerst hebbe(n) zij/
gheratificeert ende geapprobeert alsulck tractaet als zij vii/
dage in nove(m)bri int jaer voirlede(n) voir scepen(en) va(n) loven(en) ae(n)gegae(n)/
en(de) gesloten hebben metter voirs(creven) jouffr(ouwe) katlijne(n) hue(re)n moeder en(de)/
hue(re)n man behalve(n) alleene van en(de) inde pointe(n) die h(ier) na volge(n)
//
ende die contrarie(re)n oft yet toe gheve(n) oft afneme(n) mochte(n) Ende yerst/
zijn zij in erfvorweerde(n) overcome(n) dat de voirs(creven) jan vand(en) breyne/
alleen voir hem ende zijn nacomelinge(n) als voir zijn porcie ende/
deylinghe van zijns vaders moeders ende jans wijle(n) de pape zijns/
omes oems omberuerlike goede(n) oft erfrinte(n) zij zijn leen eyghe(n) oft/
erve hebbe(n) houden ende voirtaen besitte(n) sal alle de omberuerlike/
goede ende erfrinte(n) die de voirs(creven) jan wijlen de pape hue(re)r alder/
oem in zijne(n) leven(en) te besitte(n) plach ende d(air)uuyt hij sterf te/
buensbeke ende d(air) omtrint geleg(en) in huyse(n) hove(n) wynnen(de) lande(n)/
bempde(n) eeussele(n) bossche(n) chijsen wijng(ar)den ende ande(re)n toebehoirte(n)/
zonder zijn voirs(creven) brueders ende [oft] sust(er) d(air)inne eenich recht oft/
deel te hebben(e) Ende alle dande(r) goede voirg(eruert) sulle(n) den ande(re)n/
drie kinde(re)n voirs(creven) ombelet vanden voirs(creven) janne volge(n) ende/
zonder hem eenich recht oft deel d(air) inne te hebben oft te behoud(en)/
des sal de selve jan van nu voirtaen alleen vanden selven/
goede(n) van buensbeke betale(n) d(er) voirs(creven) jouffr(ouwe) katlijne(n) d(er) moed(er)/
die xxv r(ijnsche) gul(den) tsjaers die zij nae begrijp vande(n) voirs(creven) tractate/
vanden voirs(creven) kynde(re)n int gemeyne sculdich was hue(r) leefdaghe/
te trecke(n) ende alle dande(r) goede d(er) voirs(creven) ouders vand(en) voirscr(even)/
xxv r(ijnsche) g(ulden) tsjaers ontlasten en(de) d(air)toe drage(n) die xxv r(ijnsche) g(ulden)/
die der selver moeder d(air)af als morge(n) vallen sulle(n) Des salle(n)/
den voirs(creven) ja(n)ne vanden breyne volge(n) alle tghene des de late/
vanden voirs(creven) goede(n) van buensbeke de(n) voirs(creven) kinde(re)n sculdich/
zijn moege(n) het zij in dese(n) jae(r) oft in voirleden(en) jae(r) v(er)schene(n)/
maer alle ande(r) schout ende beruerlike goet sulle(n) de voirscr(even)/
kinde(re) deylen navolgende den voirs(creven) tractate Item [oft] vanden goeden/
van wynghe dair af inden voirs(creven) tractate gheruert wort eenich/
gedinghe gebuerde d(air)af soude de voirs(creven) jan last hebbe(n) die te bescudde(n)/
ende te v(er)antweerde(n) tege(n) eene(n) yegelijcke(n) gelijckerwijs hij naede(n) voirs(creven)/
tractate sculdich was te doene ende contribue(re)n inden costen nae advena(n)t/
oft tractate niet gemaect en wae(re) geweest/
Item oft zoe gebuerde dat der voirs(creven) adelissie(n) tgoet van wynghe jans/
wijlen huers oems mids hijlijke die zij dade volchgde gelijck een/
condicie onder tvoirs(creven) tractaet staen(de) tot hue(re)n p(ro)ffite begrijpt soe/
es vorw(er)de ende heeft geloeft de selve jouffr(ouwe) adelissie p(ri)us ema(ncipa)[t(a)]
//
dat zij in dien gevalle den voirscr(even) hee(re)n jacope(n) ende ph(ilip)s hue(re)n bruede(re)n hue(re)r/
moeder leefdach lanck richtinge doen sal ende betalen jairlijcx inde(n)/
voirs(creven) xxv r(ijnsche) gulden(en) tsjaers die de selve moeder mette(n) yersten tractate/
opde gemeyne goede hadde de helcht vanden selve(n) xxv r(ijnsche) gulden(en)/
alsoe lange als de selve moeder leve(n) sal ende niet langhe(r) want de/
goede tusschen hen drien nu gemeyn staen ende voirs(creven) jan mette(n)/
voirs(creven) goeden van buensbeke uuytgepoint is cor(am) l(udovici) roelofs most no(vem)[br(is)] penult(ima)
Contributorskristiaan magnus
Moderated byMi-Je Van Gils
Last update: 2016-06-22 by Xavier Delacourt