Item want vrouwe katlijne van kersbeke weduwe he(re)n gorts wile(n)/ van harduemont he(re)n van hoelne (et)c(etera) ridd(er)s hue(r) oft hue(re)n p(ro)cur(eur)/ in huere(n) name metter stad brieve gescreve(n) aenden bailliu va(n) ha(n)nut/ voir gebrec va(n) betalingen van huerre duwarie(n) va(n) c en(de) vijftich/ mudden corens mate(n) en(de) pacht va(n) ha(n)nut en(de) va(n) vier jaren/ verloepen die zij jaerlijcx heeft met scepen(en) br(ieve) van loevene/ vander date(n) xiiii[c] xxxiii augusti xviii op alle de goede/ va(n) ha(n)nut wile(n) toebehoirende huere(n) voirs(creven) man ende die nu/ besittende is vrouwe katlijne weduwe he(re)n jans wilen van/ serain ridders hadde doen levere(n) en(de) in handen stellen alle de/ voirs(creven) goede en(de) dach van rechte alhier betekene(n) op hede(n) alse ten
//
verstrekene(n) daghe de voirs(creven) weduwe van serain en(de) alle ande(r)/ hande aende selve goede hebbende op dat zij jege(n) de selve/ leveringe yet hadde(n) willen allegeren oft de voirs(creven) scepen(en)/ brieve impugnere(n) Tot welken dage de selve weduwe va(n)/ serain noch nyemant anders come(n) en is wair o(m)me op hede(n)/ her jacop bau van rodenberghe ridder behuwede sone/ der voirs(creven) vrouwe(n) ka(tlij)[ne(n)] van kersbeke ende wouter va(n)/ hynnensdale als des beyde met meer ande(re)n behoirlijck/ gemechticht vander selver vrouwe(n) katlijne(n) va(n) kersbeke/ trecht voirt versocht hebben Soe hebben de scepen(en) va(n)/ loeven(en) ter manisse(n) smeyers yerst aengesien trescript dat/ hen van wegen des voirs(creven) baillivus van han(n)nut ov(er)gesonde(n) is/ beg(ri)pendet dat de voirs(creven) execucie navolgende der voirs(creven) stad/ versueckbrieve behoirlijc was geschiet en(de) den voirs(creven) p(ar)tie(n)/ dach van rechte betekent gewijst voir een vo(n)nisse dat/ men de voirs(creven) vrouwe katlijne(n) va(n) kersbeke houde(n) soude/ inde macht van hueren voirs(creven) scepen(en) brieve(n) en(de) leveri(n)ge(n)/ vanden chijs ende eygen(en) goeden inde(n) selve(n) scepen(en) brieve(n)/ begrepen soe v(er)re het noch voir hen comen is p(rese)nt(ibus)/ o(mn)ib(us) scab(inis) de(m)pto abs(oloens) januarii xxi