It(em) peter nuelens barbier ende magriete sijn dochter p(ri)us ema(ncipa)[ta] in p(rese)ncia hebben/ gekint ende gelijt dat hen olivier bastart van wesemale volcomelic ende al/ v(er)nuecht ende te vreden gestelt ende versuent heeft van al alsulk(er) mesdaet/ hantering(en) ende handeling(en) alse de selve olivier met der vors(creven) magrieten/ gehadt oft begaen mach hebben te phalays inden lande van luydic ende/ van alsulk(er) quetsue(re)n en(de) meshandeling(en) als hue(r) aen hue(re)n nese int afsnyden/ vand(en) selven oft and(er)ssins in oft aen hue(re)n p(er)soen oft goeden gegev(en) ende/ gedaen moigen sijn tot desen daige toe in e(n)nig(er) manie(re)n Scelden(de) den vors(creven)/ olivie(r) ende alle ande(r) die hulpe(re)n ind(er) vors(creven) saken mochten sijn oft plichtich/ bij raide oft dade dair af ende van allen ande(re)n eysscen saken peticien actien/ stucken ende dinghen tusscen hen tot des(er) daige toe gesciet in e(n)nig(er) manie(re)n/ volcomelic quite Promittentes null(atenus) alloqui s(ed) war(andizare) mits eender so(m)men/ van hondert rinsch(en) guld(en) te xx stuv(er)s tstuc die de vors(creven) peter en(de) magriete/ hier voe(r) [kinnen] gehaven hebben vand(en) vors(creven) olivie(r) Geloven(de) voirt den selven/ olivie(r) ad mod mo(nitionem) e(ius) hier af gelike oft e(m)mer behoirlike quitan(cie) te geve(n)/ voir alle richte(re)n oft justicien en(de) gerichten gheestelic en(de) weerlic daer hijs/ bege(re)n sal vos most januarii xxvi