It(em) meester felix hont raet ende meester vander rekencame(re)n ons liefs/ gened(ichs) he(re)n tshertogen in p(rese)ncia heeft gekint ende gelijdt gehaven te/ hebben ende ontfangen vanden edelen he(re)n janne van brabant archidiake(n)/ van brabant inder kercken van camerike robbert desvenal colarde de/ harley colarde zijnen sone meeste(re)n janne rycoul amelr(ike) de mauroy rycharde/ trochillon meester conrarde vander meeren jacoppe wilen de gruytere/ joese absoloens woute(r) wile(n) pynnoc woute(r) vanden tymple janne wijlen va(n)/ wijtvliet he(re)n janne van ranschem janne de witte meeste(re)n janne wilen de/ munta meeste(r) pete(ren) wilen de mera meesteren kaerle virili barthelmeeuse/ wilen alpher janne wilen gielijs barth(elmeeus) wilen de hont janne py(n)noc apothecar(is)/ vrancken van dyeven laureyse van wynge ende augustijne van dormale/ en(de) dat bij handen jans pynnoc voirs(creven) Soe in afleggingen van alsulken/ vijftich rijders lijftochten staende ten live des voirs(creven) meester felix en(de) jouffr(ouwe)/ magrieten absoloens zijnre werdinne(n) en(de) xvi rijders der xxx rijders/ lijftochte(n) ten live her mych(iels) absoloens ridders en(de) adriaens hont na(tur)lijcx/ soens des selfs meest(er) felicx vallende jaerlijcx ult(ima) maii Soe van achter/ stellige(n) pachte der selver van vele jare(n) ende oec uut ocsuyne va(n) alsulke(n)/ xxviii gulden crone(n) als de edele en(de) moegende m(ijn) hee(r) de busscop onder/ zijn zeghel ende hantteken den voirs(creven) meest(er) felix gelooft ende bekint/ hadde van wegen jans scailleb(er)t zijns bottelgiers uut saken van zeke(re)n/ h(ar)nassche dat de voirs(creven) scaelgeb(er)t gecocht ende gecregen hadde jegen/ amelr(ike) was nu ter tijt burg(er)meester te bruessel dair voir de voirscr(even)/ meester felix ter begh(er)ten en(de) bevele mijns he(re)n des busscoppe(n) voirs(creven)/ borghe bleve(n) was de so(m)me van dusent ii(½) r(ijnsche) guld(en) te xx stuvers/ stuc Bekinnen(de) hem de voirs(creven) meester felix van dier so(m)me(n) voirs(creven) alse/ van allen achterstelligen pachte der voirs(creven) renten tot de(n) lesten dage/ van meye naestcomende incluys en(de) vande(n) voirs(creven) xxviii crone(n) die de/ voirs(creven) m(eester) felix als borghe gelijc voirscr(even) steet heeft moete(n) v(er)legge(n)/ ende betalen volcomelijc vernuecht en(de) wel betaelt also dat voirtaen/ de voirs(creven) lxvi rijd(er)s lijftochte(n) niet meer jaerlijcx gedrage(n) en selen/ dan lii r(ijnsche) guld(en) te xx stuv(er)s stuc lijftochten te(n) live des voirs(creven) m(eester) felix/ en(de) zijnre werdinne(n) Met condicie(n) en(de) vorwerde(n) oft de voirs(creven) sculders/ oft e(n)nich van hen de(n) voirs(creven) m(eester) fel(ix) gheve(n) en(de) betale(n) tussce(n) dit ende/ den lesten dach va(n) meye naestcomende de so(m)me van vijfhondert/ en(de) xx r(ijnsche) gulden(en) inder werden voirs(creven) dat dan de voirs(creven) lijftocht/ geheelijc en(de) al doot en(de) te nyeute zijn en(de) blive(n) sal ende sal dan/ de voirs(creven) m(eester) felix gehoude(n) zijn over te gheve(n) den scepen(en) brief va(n)/ loeven(e) vander date(n) maii ulti(m)a anno lvi vanden vijfftich rijd(er)s lijftochte(n)
//
voirs(creven) die hij alnoch behouden heeft om dair mede jaerlijx te moege(n)/ verhale(n) op alle de voirs(creven) p(er)sone en(de) hue(r) goede de voirs(creven) lii r(ijnsche) gul(den)/ lijftochten in gevalle oft de(n) voirs(creven) vijfhondert en(de) xx r(ijnsche) g(ulden) te(n) dage/ voirg(eruert) niet betaelt en worden Promitt(ens) de p(re)miss(is) de cet(er)o/ null(atenus) alloq(ui) impete(re) sed war(andizare) meldert berthe(m) febr(uarii) xviii