It(em) jan vanden hove sone wilen jans nu ter tijt meye(r) van halen ende/ jouffr(ouwe) katlijne hoerekens zijn wijf in p(rese)ncia hebben verhuert en(de)/ bekint verhuert te hebben petere(n) van overdile en(de) arde loenijs/ de herberge gehete(n) den wildeman te loeven(en) mette(n) toebehoirten/ gelijc die belegen is aenden kerchof van sinte pet(er)s te loeven(en) Te/ houde(n) te hebben ende te besitten van sint jansmisse baptisten/ naistcomende eene(n) t(er)mijn van nege(n) jare(n) lang v(er)volgen(de) elcx/ jaers darenbinne(n) om en(de) voir vijftich rijnsch(en) guld(en) va(n) goude/ goet en(de) ghinge alle jare deen helicht te kerss(miss)[e] en(de) dand(er) helicht/ tsint jansmisse te betalen den voirs(creven) t(er)mijn due(re)nde quol(ibet) ass(ecutu)[m] It(em)/ is vorwerde dat de voirs(creven) pet(er) en(de) aert jaerlijcx betale(n) selen/ allen den chijs uute(n) voirs(creven) goeden gaende in afslage vande(n)/ voirs(creven) vijftich r(ijnsche) guld(en) alsoe in tijts dat de voirs(creven) jan dair bij/ gheen schade en lijde It(em) selen de voirs(creven) jan en(de) zijn w(er)di(n)ne/ soe wanneer hen dat genuecht alle hue(r) haeflike goede zijnde/ binne(n) d(er) voirs(creven) herbergen moegen aenveerden en(de) die doen/ ende vueren oft vercopen dair en(de) alsoe hen dat genuege(n) sal/ uutgesceyden thoutwerck zijnde binne(n) der coekene(n) dwelc ald(air)/ bliven sal It(em) sele(n) de voirs(creven) gehuyssce(n) te henw(er)t behoude(n)/ de camere aende plaetse gehete(n) wern(er)s came(r) mette(n) stoefke(n)/ dair aen gelegen ende den ganc acht(er) tot inden hof tot huere(n)/ gerieve met gaders eene(n) cleyne(n) stalle va(n) ii p(er)de(n) opde plaetse/ mette(n) solderken dair bove(n) om hoy en(de) anders dair op te legge(n)/ van welke(n) stalle de voirs(creven) pet(er) en(de) aert in absen(cie) des voirs(creven) jans/ den sloetel en(de) tgerief hebbe(n) selen Gebuerdet oec dat de voirs(creven)/ jan aldair q(ua)me met drie p(er)den soe sele(n) hem de voirs(creven) peter/ en(de) aert i leytie(r) leve(re)n tot den derden p(er)de op dat de/ voirs(creven) herberghe niet vol en ware It(em) de voirs(creven) jan ende/ zijn werdinne selen de voirs(creven) herberghe houde(n) va(n) rep(ar)acie(n)/ wel en(de) loflijc den voirs(creven) t(er)mijn lang duerende op hueren cost/ It(em) jan de coste(re) sone claus de coste(re) heeft gelooft dat hij/ vand(er) schout die de voirs(creven) jan en(de) zijn werdi(n)ne sculdich moege(n)/ zijn dieme(n) he(m) bewisen sal te hemw(er)t sal nemen tot/ der so(m)men toe van vijftich r(ijnsche) guld(en) eens en(de) die betale(n) te/ liechtmisse naistcomende welke vijftich r(ijnsche) guld(en) de voirs(creven)/ peter en(de) aert bij consente vande(n) voirs(creven) janne ende zijnre
//
werdinne(n) gelooft hebben de(n) voirs(creven) janne de coste(re) jaerlijcx op/ te legge(n) en(de) te betalen va(n) des de(n) voirs(creven) ja(n)ne en(de) zij(n)re/ w(er)dinne(n) vand(er) voirs(creven) hueringe(n) sculdich sal zijn te come(n) de(n)/ voirs(creven) chijs afgeslagen It(em) is vorwerde dat de voirs(creven) ge/ huyssce cuelen en(de) betalen selen alle gevallene(n) chijs ende/ oic die tot sint janss(miss)[e] toe naistcomen(de) vallen sal ende de/ voirs(creven) huerlinge dair af costeloes houden en(de) ontheffen en(de)/ alle dese vorwerde(n) vos most m(ar)tii xxix