Want aleid van breetsijp henricx dochter als geleid tot den erflike(n)/goeden eene(n) huyse en(de) hove en(de) den toebehoirte(n) henrix claes/ hoemakers inde hoolstrate geleg(en) buyte(n) sinte machiels porte tege(n)/ over den huyse geheete(n) den zwane tussce(n) ja(n)ne vacart ende/ magriete(n) corekens [goeden] huer met janne laur(eys) vorste(r) de selve goede/ hadde doen leve(re)n ende dach van rechte beteeken(de) den vors(creven) henr(icke)/ claes op heden tot welk(en) daighe de selve henric tegen de vors(creven)/ aleid niet te rechte comen en es Soe hebben de scepen(en) van loven(en)/ t(er) maniss(en) smeyers yerst aengehoirt den vors(creven) janne laur(eys) die/ claerde bij sijne(n) eede de vors(creven) leve(ri)nge gedaen en(de) den vors(creven) henricke/ op heden dach betekent te hebben gewijst voir een vo(n)nisse datme(n)/ der vors(creven) aliten vand(en) vors(creven) goede(n) houde(n) sal inde macht van hue(re)n/ vors(creven) beleide soe v(er)re dat noch voir scepen(en) es come(n) es p(rese)ntib(us) o(mn)ib(us) scabi(ni)s/ i(n) sca(m)pno de(m)pto abs(oloens) ap(ri)lis xi