It(em) henric van redinghen hee(r) tot oplinthe(r) ter eender zijden en(de) philips/ de houwe(re) van arschot ter ande(re) sijn bij raide van vrienden en(de) ten/ bijweesen van eenigen vanden naesten maghen en(de) vrienden des/ voirs(creven) henrix met malcande(re)n eenswordde(n) en(de) overcomen der pointe(n)/ en(de) vorweerden hier nae v(er)claert die zij deen dande(r) gelooft/ hebben onv(er)brekelijc te onderhouden Te weten dat de vorscr(even)/ philips van sinte mertensmisse lestleden incluys en(de) een geheel/ jair d(air) nae gedue(re)nde hebben ende aenveerden sal bij machte va(n)/ p(ro)curacie(n) hem gegev(en) dbewint tregime(n)t en(de) dontfanck van alle(n)/ den goeden en(de) rinte(n) desselfs henrix van redinghen en(de) lambrechts/ van wynghe zijns zweers soe waer die liggen oft ontfangen/ wordden in staenden rinte(n) oft v(er)valle(n) hoedanich die wesen/ moigen Des sal hij betalen alle de co(m)me(re)n en(de) laste(n) die d(air) af oft/ d(air) uut sculdich sijn betaelt te wordden ende doen ten ynde vand(en)/ selve(n) jae(r) den selven henricke oft ande(re)n dien dat behoire(n) sal/ van alle sijne(n) ontfange en(de) uutgeven(en) goede rekeni(n)ge (et) reliq(ua)/ Ende om dat de vors(creven) philips zoe in diversen costen bij lambrechte/ en(de) sijne(n) wive met hue(re)n huysgesinde v(er)teert en(de) den coste bij antho/ nise van redingen des vors(creven) henrix sone inde petagogie en(de)/ elde(r) gedaen zoe van v(er)loepen(en) chijse en(de) rinte(n) van voirgaen(de)/ jae(r) inde vors(creven) officie verleecht heeft vie(re)nnegentich crone(n)/ te xxiiii st(uvers) tstuc en(de) veerthien stuv(er)s soe es vorweerde soe/ wes men bij wettig(er) rekeni(n)gen bevi(n)den sal dat de vors(creven) philips/ de vors(creven) so(m)me hem bescaet en(de) gepasseert in sijne(n) uutgeven/ tachter sal moigen wesen dat sal hij opleggen Ende oft hij oic/ meer uutgeleecht hadde in orboir der vors(creven) goede oft ter suste(n)tacie(n)/ des vors(creven) lambrechts en(de) sijns wijfs en(de) voir den vors(creven) henricke/ oft anthonise van redinghen dat heeft de vors(creven) henric gelooft/ den vors(creven) ph(ilips)e ten ynde vand(en) vors(creven) jae(r) te betalen als/ v(er)reycte schout oft zijne(n) moet d(air) af te hebben Ende i(n) meerd(er)/ zekerniss(en) den vors(creven) ph(ilips)e hier af te doen(e) van sijne(n) reste dat/ hem comen mochte heeft de vors(creven) henric gelooft dat hij antho/ nise sijne(n) sone voirs(creven) v(er)vangen sal en(de) in dien hebben dat hij ter/ maniss(en) vand(en) selve(n) ph(ilips)e oft e(m)mer bynnen drie weken nae dats
//
de selve henric van hem v(er)socht sal sijn sal doen come(n) voir scepen(en)/ van loven(en) en(de) die al des vors(creven) es approbe(re)n sal en(de) mede gelove(n)/ den vors(creven) ph(ilips)e te voldoene en(de) dinhoudt van desen tond(er)houd(en)/ gelijc sijn vader hier gedaen heeft It(em) es vorweerde dat/ de(n) vors(creven) ph(ilips)e in sijne(n) uutgeve(n) passe(re)n selen twintich rinsche/ guld(en) te xx st(uvers) tstuc voir zijn(en) loon en(de) arbeyt vand(en) jae(r)/ vors(creven) ende soe lange de selve philips acht(er) dierste jair vors(creven)/ van sijne(n) reste dat hem comen mochte biden vors(creven) henricke/ niet betaelt en wordde soe en sal de vors(creven) henric de(n) vors(creven)/ ph(ilipp)e niet ontsetten doen noch laten ontsetten voer aen d(er)re/ tijt dat hij sijn rest dat hem comen mochte innegehaelt en(de)/ getogen sal hebben aende vors(creven) goede en(de) rinte(n) cor(am) berthe(m)/ vos dece(m)[br(is)] decembr(is) p(ri)ma