Allen den ghenen (et)c(etera) doen cont en(de) te weten dat opden dach van/ heden datum van desen voir onsen ons comen es in prope(re)n p(er)sone/ henric dicbier rintmeest(er) ons gened(ichs) he(re)n tshertogen te thiene(n) ende/ heeft geconstitueert gesedt volcomen macht p(ro)curacie en(de) auctoriteit/ gegeve(n) he(re)n janne walschart prieste(r) philipse van gheldorp ende/ goirde vand(en) putte oft den eene(n) van hen bringe(r) des briefs alle/ ende yegewelke des voirs(creven) henrix zaken questien en(de) gescillen die/ hij alsnu uutstaen(de) heeft oft naemaels hebben soude moigen voer/ wat gerichte gheestelic oft weerlic dat dat sijn oft gescien mochte/ alle en(de) yegewelke sijn jairguld(en) sculden opcomi(n)gen p(ro)fite(n) vervalle(n)/ goeden beruerlic ende omberuerlic chijsen rinte(n) erffpachte(n) die hij/ heeft oft die hem naemaels valle(n) oft v(er)schijne(n) selen inde(n) lande/ van brab(ant) oft elde(r) te wat plaetsen hij die uutstaen(de) en(de) liggende/ heeft en(de) men hem die sculd(ich) es oft naemaels sculdich wesen/ sal in e(n)nig(er) manie(re)n Te verware(n) te mane(n) teyssce(n) op te bue(re)n te/ ontfang(en) tege(n) oft aen wat p(er)sone oft van wat goede(n) oft saken/ oft stucke(n) dat dat zijn mochte dair voe(r) te pand(en) te daige(n) te/ beleid(en) rastem(en)te te doen legg(en) die met rechte texeq(ue)ren te v(er)volge(n)/ en(de) te vorde(re)n alle scepen(en) brieve met rechte te vo(n)niss(en) en(de) vorde(ri)nge/ d(air) af te neme(n) en(de) te doen na costu(m)e gewoente en(de) usagien vand(en)/ plaetsen d(air) dat behoe(re)n sal oft behoeve(n) soude moigen Ende ofts/ noot gebuerde voir alle richte(re)n geestelic en(de) weerlic met rechte/ alle sijn vors(creven) sak(en) te (con)teste(re)n te decline(re)n texcipie(re)n te reco(n)venie(re)n/ te v(er)antweerd(en) te bescudd(en) te bedingen alle gesc(ri)ften en(de) libellen over/ te geve(n) en(de) te neme(n) te replice(re)n te duplice(re)n (et)c(etera) alsoe wael int p(ri)nci/ pael als int accessoir also dicwile en(de) menichwerve(n) als des te/ doen sal sijn getuygen met rechte versuek(en) bedwong(en) te wordd(en)/ tot hue(re)r deposicien die te leyden der wed(er)p(ar)tien getuyge(n) te sien/ zwee(re)n die te batte(re)n hue(r) deposicien te wed(er)legg(en) alsoe dicwile/ en(de) menichwerve(n) alst behoe(re)n en(de) behoeve(n) sal Allet des vors(creven) steet/ alsoe wel domberuerlike goede chijse rinte(n) pachte(n) vorg(eruert) als and(er)s/ met rechte te wynne(n) te verliese(n) die saken bij beroepe (et)c(etera)/ te compone(re)n [quitancie te geven] alle de goede beruerlic en(de) o(n)beruerlic chijse rinte(n) ende
//
pachte(n) hoedanich die sijn in al oft in deele te rege(re)n te hantplichte(n)/ te gebruycken te verpachte(n) te verhue(re)n en(de) met jairschare(n) uut te gheve(n)/ al ten meeste(n) orboe(r) en(de) p(ro)fite des vors(creven) henrix ende voirtane allet/ ghene d(air) inne te doen en(de) te vorde(re)n [(et)c(etera)] Ende soe wes bijde(n) eene(n) der/ vors(creven) p(ro)cur(eur)s in e(n)nich van des vors(creven) steet (et)c(etera) begonne(n) oft innegestek(en)/ ware van rechtvordering(en) oft and(er)s dat dande(r) van hen dat sal oft/ sele(n) moge(n) middele(n) volinde(n) voirts vorde(re)n late(n) (com)pone(re)n oft v(er)volg(en)/ sond(er) yema(n)ts wed(er)segg(en) promitt(ens) d(i)c(t)us henric(us) renu(n)c(ians) o(mn)ib(us) p(ri)vileg(iis)/ et lib(er)tatib(us) ac [sub] obligacio(n)e et ypotheca o(mn)i(u)m (et) sing(u)lor(um) suor(um) bonor(um) mo(bilium)/ et immo(biliu)[m] p(rese)nciu(m) et fut(ur)or(um) rat(um) et firm(um) tene(re) totu(m) et q(uoscum)q(ue) (et)c(etera) salvo/ iusto calculo januar(ii) xxi