Cond zij allen lieden dat thomas reers sone jans reers in p(rese)ncia/ heeft genome(n) ende bekint dat hij genome(n) heeft vanden voirs(creven)/ he(re)n vrancken vander hofstad thoff gelegen te dunb(er)ge inde/ prochie van cortelke mette(n) huysen hove(n) wynnen(de) lande mette(n)/ derde(n)schoeve ende vierdeschoeve alsoe v(er)re de(n) goidsh(uyse) va(n) ghe(m)pe/ aldair toebehoiren(de) is en(de) de selve thomas tot noch gehouden/ heeft uutgenome(n) alsulken vroente alse g de goede lude vande(n)/ dorpe van cortelke aldair tege(n) tvoirs(creven) goidshuys van ghempe/ gecrege(n) hebben Te houde(n) te hebben en(de) te wynne(n) van halfm(er)te/ lestleden eene(n) t(er)mijn van xii jare(n) lang elcx jaers darenbinne(n)/ om ende voe(r) xvii m(ud)[d(en)] rocx een m(ud)[d(e)] witter erwete(n) goet ende/ payabel der mate(n) va(n) loeven(e) met wa(n)ne ende met vedere(n) wel/ bereyt tsinte andriesmisse ap(oste)ls te betale(n) en(de) te loeven(e) tarschot
//
oft te ghempe op den spyker te leve(re)n dairt de(n) voirs(creven) goidsh(uyse) ald(air)/ best gelieven sal op zijnen cost en(de) des salmen de(n) voirs(creven) wynne los/ quijt ende vry houden va(n) allen onghelde weechghelde en(de) assizen/ dat hem vanden voirs(creven) coirne vallen ende come(n) mochte It(em) sal/ de voirs(creven) wynne hebben de helicht vander coren thiende(n) de(n)/ voirs(creven) t(er)mijn lang dueren(de) gelijc hij die tot heertoe gehoude(n) heeft/ en(de) den voirs(creven) goidshuyse toebehoiren(de) is jaerlijcx om en(de) voe(r)/ xxii m(ud)[d(en)] rocx i m(ud)[d(e)] erwete(n) xiiii m(ud)[d(en)] gh(er)ste(n) xvi(½) m(ud)[d(en)] even(en)/ en(de) een mudde tarwe(n) algader alsulcx als vand(er) selver thiende(n)/ come(n) sal d(er) mate(n) van loeven(e) ts(in)te andriesmisse apostels te betale(n)/ ende te loeven(e) oft tarscot dairt de(n) voirs(creven) proefst best genuege(n)/ sal te leve(re)n de(n) voirs(creven) t(er)mijn dueren(de) q(uo)l(ibet) ass(ecutum) It(em) voirtme(er) sal/ de voirs(creven) wynne vand(er) voirs(creven) thiende(n) leve(re)n jaerlijcx den voirs(creven)/ goids(huyse) xxv mandele(n) stroes half wynt(er) en(de) half som(er)stroe en(de)/ de p(er)soen va(n) cortelke alst hem de voirs(creven) proefst beveelt/ jaerlijcx oft de(n) selven proefst xii mandele(n) stroes half/ eens half and(er)s gelijc voirs(creven) is en(de) alle dand(er) stroe dat/ vande(n) selve(n) goede(n) en(de) d(er) helicht vand(er) thiende(n) come(n) sal dat/ en sal de voirs(creven) wynne niet moege(n) v(er)coepen noch wech gheve(n)/ mer sal dat ette(n) binne(n) de(n) voirs(creven) hove met zijne(n) beeste(n) en(de)/ d(air) af mest maken en(de) op tvoirs(creven) lant vuere(n) tslants meesten/ p(ro)ffite Welke h lande hij alle drie jare sal sculdich zijn tov(er)/ meste(n) wel en(de) loflijc gelijc regenoete(n) bove(n) en(de) benede(n) En(de) oec/ tsijne(n) leste(n) drie jare(n) va(n) zijne(n) voirs(creven) t(er)mijne en sal hij/ niet moege(n) e(n)nich lant hoervruchte(n) den voirs(creven) goids(huyse) toebeh(oirende)/ en(de) oec sal hij ten ynde vand(en) voirs(creven) t(er)mijne de(n) roggen aert/ besaeyt late(n) met rogge(n) met zijne(n) getidige(n) voren en(de) de/ brake en(de) stortte eens o(m)megedaen wel en(de) loflijc gelijc zijnen/ reengenoten It(em) sal de voirs(creven) wynne hebben ende houde(n) zijne(n)/ voirs(creven) t(er)mijn lang dueren(de) alle de bempde eeusselen ende/ weyden den voirs(creven) goede(n) toebehoiren(de) soe wair die belege(n) zijn/ alsoe verre henr(ic) va(n) meldert die voirs(creven) weyde en(de) bempde/ tot heertoe gehoude(n) heeft Elcx jairs d(aer)enbinne(n) om ende/ voe(r) lxxv r(ijnsche) gulden(en) te xix stuv(er)s en(de) eene(n) lyliart elke(n) guld(en)
//
gerekent en(de) xxv pont cusbaird(er) bote(re)n tsinte m(er)tensmisse inden/ wynter te betalen de(n) voirs(creven) goidshuyse En(de) voirtmeer sal de/ voirs(creven) wynne jaerlijcx gheve(n) de(n) voirs(creven) proefst hondert opgedroechde/ hantkeese goet en(de) loflijc na huerre behoirten op haren cant/ staende tsint jansmisse te betalen oft xiiii nacht d(air) nae te/ volleve(re)n en(de) desgelijcx sal hij levere(n) den voirs(creven) proefst jaerl(ijcx)/ omtrint sinte denijsmisse vijftich goeder custbarer hantkeese/ als voirs(creven) is den voirs(creven) t(er)mijn dueren(de) q(uo)l(ibet) ass(ecutu)[m] It(em) sal de voirs(creven)/ wynne jaerlijcx houde(n) zijne(n) t(er)mijn lang dueren(de) de(n) p(er)soen/ van cortelke een rint wynt(er) en(de) somer oft he(m) d(air) voe(r) late(n)/ eene(n) bempt die gelegen is tege(n) de(n)nerot benede(n) dbroeclant/ dwelc van beyden den voirs(creven) goidsh(uyse) alder best gelieve(n) sal It(em)/ sal de voirs(creven) wynne jaerlijcx de(n) voirs(creven) goids(huyse) insgelijcx houde(n)/ i rint wynter en(de) somer en(de) algader gelijc zijns selfs beeste(n)/ op dat tgoidshuys voirs(creven) dat ald(air) bestelt It(em) sal de voirs(creven)/ wynne jaerlijcx zijne(n) t(er)mijn dueren(de) houde(n) en(de) hebbe(n) de(n)/ bempt geheten switte(n) eeussel toebehoiren(de) de(n) voirs(creven) (con)vente/ van ghempe alle jare om en(de) voe(r) elf r(ijnsche) guld(en) thien r(ijnsche) g(ulden)/ te xix(½) stuiv(er)s stuc alle jare tsinte m(er)tensmisse inde(n) wynt(er)/ den voirs(creven) (con)ve(n)te te betalen en(de) te ghempe te bringe(n) It(em) sal/ de voirs(creven) wynne houden verre ende beer sdorps behoef ende/ dat alsoe dat hij tvoirs(creven) goidshuys dair af schadeloes houde(n)/ sal It(em) sal de voirs(creven) wynne jaerlijcx de(n) vorste(r) des voirs(creven) goidsh(uys)/ sculdich zijn teten te gheve(n) gelijc sijne(n) huysgesinne uutgeno/ men van brode ende van vleessche ende desgelijcx alle jare/ den mayers die sgoidshuys bempde aldair mayen sele(n) de(n) cost/ gheve(n) uutgenomen van brode It(em) sal de voirs(creven) wy(n)ne jaerlijx/ leve(re)n zijnen t(er)mijn duerende ix[c] walms om de huysinge dair/ mede te houden ende alsmen den voirs(creven) walm verdecken sal/ dan sal de wynne de(n) wercliede(n) den montcost gheve(n) en(de)/ en(de) tvoirs(creven) goidshuys de dachuere(n) betalen En(de) waert alsoe/ dat tvoirs(creven) goidshuys e(n)nich nuwerck va(n) ty(m)meringe(n) oft plecke(n)/ dade dair maken dair af soude de wynne de(n) werkliede(n) de(n)/ montcost gheve(n) (et)c(etera) Et sic ult(er)i[(us)] ut h(ab)et(ur) de henr(icus) de meld(er)t/ xv no(vem)[b(ris)] a(nn)[o] xiiii[c] lvi [et ja(nuarii) penult(ima) xlvii de henr(icus) vander lanen] in(de) su(n)t fideiuss(ores) joh(ann)es reers joh(ann)es gheldens/ et joh(ann)es vander roost et p(rim)[(us)] vos most jul(ii) x