Item pauwel loenkens wettich sone mathijs loenkens en(de)/ lijsbeth van vaelbeke zijn wijf in p(rese)ncia hebben gekint ende/ gelijdt voir hen hue(re)n erven en(de) nacomelingen dat jan/ vand(er) paelt en(de) yde vander stoct zijn wijf die moeder/ is der vors(creven) lijsbetten hen wael en(de) wettelic geheelic/ en(de) al vernueght betaelt en(de) gecontenteert hebben van/ allet ghene dairinne de vors(creven) jan en(de) zijn wijf te/ henweert gehouden mochten zijn uut saken van eenen/ accorde tusschen p(ar)tien gepasseert voir scepen(en) van lov(en)/ julii quinta lestleden Geloven(de) den selven janne zijn/ wijf noch hue(r) goede dair af ny(m)mermeer te vexeren/ te moyen noch e(n)nige aensprake te doen bij hen selven/ noch bij niemant anders in gheenen rechte gheestelic noch/ weerlic mair van deser quitancien tegen eenen yegeliken/ i(n)ne te staen(e) en(de) goet gerecht wara(n)t te sijne en(de) te blive(n) tot eeuwig(en) dag(en) berthe(m) most maii xxvii