Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt Doen/ cont en(de) te weten dat op den dach datum van desen voir/ ons comen is prop(re) p(er)sone jan ts(er)claes sone wilen he(re)n/ everarts ts(er)claes ridders ende heeft geconstitueert gesedt/ volcomen macht procuracie et auctoriteit gegeven roelofve/ cappelleman ende janne hannarde oft den eenen van/ hen bring(er) des briefs alle en(de) yegewelcke zijn saken questie(n)/ en(de) gescille die hij opden dach van heden uutstaen(de) heeft/ oft namaels hebben soude mogen voir wat gerichte/ gheestelic oft weerlic dat dat wae(re) oft geschien soude/ mogen Alle des vors(creven) jans ts(er)claes jair gulde opcomi(n)gen/ en(de) vervalle goede beruerlic en(de) omberuerlic chijsen renten/ erfpachten abs als hij heeft en(de) men hem sculdich is ende/ namaels soude mogen wesen te vertrike te willebringen/ te boutershem en(de) te nedervelpe ende dair omtrent Te/ manen teysschen opteboren en(de) tontfangen aen wat p(er)sonen/ dat dat zijn mach dair voir te panden te dagen rasteme(n)te(n)/ te doen leggen die met rechte texequeren den sculd(er)s/ quitancie te gheve(n) en(de) vortaen generalic ende/ specialic allet ghene dair inne te doen en(de) te vorde(re)n/ des de selve jan selve in p(er)sone soude mogen doen/ telker tijt oft hij tegenwordich en(de) voir ogen wae(re)/ Geloven(de) de selve jan voir ons in goeden truwen/ opde verbintenesse va(n) allen zijne(n) goeden beruerlic ende/ omberuerlic tegenwordich en(de) toecomen(de) goet vast/ gestentich en(de) van weerden te houden allet ghene/ des bijden vors(creven) procur(eur)s oft den eene(n) van hen in/ desen gedaen en(de) gevordert sal worden in e(n)niger manie(re)n/ Behalve(n) dat de vors(creven) procur(eur)s en(de) een yegelic va(n)/ hen gehouden sal zijn goede rekeni(n)ge bewijs ende/ betalinge te doen altijt als zijs vand(en) janne oft den/ sijne(n) des v(er)socht sullen zijn sond(er) argelist julii p(ri)ma