It(em) jan godfroit de blehain sone jans wilen godfroit in p(rese)ncia heeft/ gekint en(de) gelijt openbaerlijc dat hij bij wille ende consente gerarts/ van crehain opden wissel te loeven(en) gehaelt en(de) ontfangen heeft/ alsulken hondert en(de) lx r(ijns) gulden(en) te xx st(uvers) stuc als de selve gerart/ de(n) voirs(creven) janne godfroit geloofde aprilis xxviii lestleden dat hij/ janne van oppendorp soude gheve(n) en(de) betalen tusscen dat ende/ kersmisse oft liechtmisse d(air) na volgen(de) in afslage van des de voirs(creven)/ jan godfroit de(n) voirs(creven) van oppe(n)dorp sculdich is met scepen(en) brieve(n)/ va(n) loeven(en) Scelden(de) den voirs(creven) gerard vand(er) voirs(creven) gelofte(n) en(de) des d(air)/ aen cleeft volcomelijc quite geloven(de) den voirs(creven) gerardt en(de) allen/ andere(n) dient aengaen mach van des(er) jeg(enwordiger) quitan(cie) inne te stane ende/ gerecht warand te zijne en(de) te bliven jege(n) eene(n) yegeliken tewige(n) dage(n)/ roel(ants) tymple aprilis vii