SAL7363, Act: R°257.1 (474 of 566)
Search Act
previous | next
Act R°257.1  
Act
Date: 1470-04-17

Transcription

 by 
Alsoe voe(r) de(n) raide vand(er) stad t(er) questie(n) come(n) zijn gerardt va(n) baussele als/
p(ro)cur(eu)[r] goessens vande(n) speelhove gelijc dat blijct int tregist(er) va(n) des(er) came(re)/
vand(er) daet fe(bruarii) xix lestlede(n) welc goesse(n) va(n) te voe(re)n alst blijct int selve/
register opde(n) daet ja(nuarii) xx p(re)ced(enti) geleyt was nae d(er) stad recht en(de) met scepen(en)/
brieve(n) va(n) loeve(n) totte(n) goede(n) wile(n) jouffr(ouwe) m(ar)g(rie)te(n) va(n) meld(er)t wed(uwe) jonck(er) will(em)/
wile(n) va(n) mo(n)tenake voe(r) v mudde cor(ens) lijfpens(ien) te(n) live va(n) des vors(creven) goess(ens)/
wive t(er) eender zijden janne vand(er) beke(n) geheete(n) inde(n) creeft t(er) ande(re)/
gielise vand(er) m(er)tshove(n) clase bone de jonge janne va(n) zeve(n)huysen/
m(ar)gr(iete) wed(uwe) arnts wile(n) willems janne vand(er) hoeve(n) becke(r) janne de/
coste(re) henr(icke) vande(n) hogenhuys henr(icke) zeels w [en(de)] t(er) derder zijde(n) Daer de/
voirs(creven) gerardt voirtstelde en(de) meynde dat hij sijn wettich gebreck/
d(er) voirs(creven) scepen(en) brieve soe verre de voirs(creven) goesse(n) dat verificiere(n) woude/
met sijnder eedts v(er)hale(n) en(de) v(er)reyke(n) soude aende haeflike goede acht(er)/
d(er) voirs(creven) jouffr(ouwe) gebleve(n) oft aende pe(n)nynge d(air) af gecome(n) opde(n) wissel/
staen(de) en(de) dat hij sculd(ich) wae(re) daer af voe(r) de voirs(creven) ande(re) sijn p(ar)tien/
te gaen al mocht huer schout oerspro(n)ck neme(n) va(n) eete(n) va(n) drincke(n)/
oft va(n) cleyne(n) pe(n)new(er)de(n) En(de) de vors(creven) ja(n) va(n)d(er) beke(n) meynde wa(n)t/
hij de vors(creven) gereede goede acht(er) de vors(creven) jouffr(ouwe) bleve(n) hadde doen raste(re)n/
en(de) wa(n)t d(air) op voertgevae(re)n soe v(er)re dat hij sijn schout met sijnd(er) eedt/
hadde gegroeft dat hij va(n) sijnd(er) schout voe(r) en(de) al eer dand(er) voirg(eruerde)/
bet(aelt) soude weze(n) en(de) oic voergaen der schout va(n)d(en) beleyde voirs(creven)/
en(de) zund(er)linge den sculde(n) vand(en) ande(re)n p(er)sone voirs(creven) nae hem genoempt/
want al mochte(n) zij rastame(n)te(n) opde goede hebbe(n) geleegt soe en hadden/
zij trecht va(n) die(n) niet acht(er)volgt D(ai)r op zij repliceerde(n) en(de) gedroege(n) hen/
tot pet(er) vand(er) hoeve(n) borg(er)meester dat hij hen geseegt hadde dat zij/
niet en behoefde(n) voirder te p(ro)cedee(r)en want de goede v(er)cocht wae(re)n en(de) de/
pe(n)nynge soude(n) come(n) opde(n) wissel en(de) totte(n) rechte H(ier) op w(er)t get(er)mineert/
soe v(er)re de vors(creven) ja(n) vand(er) beke(n) niet te vrede(n) zijn en woude en(de) de(n)/
voirs(creven) gerarde late(n) voe(r) hem tsijne aftrecke(n) soe v(er)re goesse(n) voirs(creven) sijn/
schout en(de) gebreck op sijn brieve verifeerde soe sette(n) de wethoude(re)n die/
questie tussche(n) hen voe(r) meye(r) en(de) scepen(en) va(n) loeve(n) om met rechte/
beslicht te w(er)den Ende vand(en) ande(re)n w(er)t ov(er)dr(agen) dat zij huer schout/
ov(er)geve(n) soude(n) in gescrifte der stad met declaracie(n) waer af die rue(re)nde?/
wae(re) come(n) en(de) hoe en(de) te wat tijde(n) geborcht om da(n) voert d(air) af te/
geschie(n) alsoe behoe(re)n soude aprilis xvii
Contributors
Moderated bykristiaan magnus
Last update: 2016-07-13 by Xavier Delacourt