Item cont zij allen lieden dat willem gheerts geheten van/ lare ende jan zijn sone te voren uuten broede zijns vaders/ vors(creven) gedaen woenen(de) te gheete in p(rese)ncia hebben/ genomen en(de) bek(i)nt dat zij genomen hebben tegen lanceloote/ le begge woenen(de) te loven(en) zijn hof metter woeni(n)ghen/ huysen hoven wynnen(de) land en(de) allen zijnen toebehoirten houden(de)/ omtrent tsamen xlii boende(re)n gelijc de selve lanceloet dat/ liggen(de) heeft te gheete inden berch Te houden te hebben/ en(de) te wynnen vanden xvi daghe junii dwelc was int/ jair xiiii[c] lxviii eenen termijn van neghen jae(re)n lanc/ deen na dand(er) zonder middel vervolgen(de) elx jairs dae(re)nbynne(n)/om en(de) voir elc boender om en(de) voir vierthien dossijnen/ corens goet en(de) payabel d(er) maten [en(de) pacht] van gheete alsulcx als/ jairlix opde voirs(creven) lande was sal tsinte andriesmesse apostels/ te betalen en(de) te gheete opden solde(r) des voirs(creven) lanceloets te/ leve(re)n den voirs(creven) lanceloet quolib(et) ass(ecutu)[m] Behalven dat de/ vors(creven) wynne alle jare sculdich sal zijn vand(en) vors(creven) coren te/ loven(en) te leve(re)n xii mudden d(er) maten vors(creven) Item sal de/ vors(creven) lanceloet int vors(creven) hof behouden tsijnen verdoene/ twee came(re)n met hue(re)n zolde(re)n beneden de sale metter
//
koken(en) en(de) den stal staende neven de schue(r) en(de) den hof ter kercken/ sonder de voirs(creven) wynne dair inne e(n)nighen sacht te hebben/[en(de) rouvoeder voir sijn p(er)t als hij d(air) comen sal] Item sal de vors(creven) wynne jairlix den vors(creven) t(er)mijn lanc due(re)nde/ de vors(creven) lande wel en(de) loflic wynnen werven mesten en(de)/ besayen met alsoe goeden sade gelijc reengenoten boven/ en(de) beneden Item sal de vors(creven) wynne den vors(creven) t(er)mijn lanc/ due(re)nde allet stroe en(de) caff comen(de) jairlix vand(en) vors(creven) goeden/ int vors(creven) hof bringen en(de) dat met zijnen beesten etten en(de)/ te meste maken en(de) dat vue(re)n opde vors(creven) lande also wale/ opde verste als opde naeste tslants meesten proffijte Item/ sal de vors(creven) wynne de voirs(creven) lande laten tsijnen afscheiden/ als men die picken sal gelic hij die aenveert heeft te/ weten(e) xiii boend(er) en(de) i(½) dach(mael) met wynt(er)coren(en) getaxeert/ bij eertwynnen hen des verstaen(de) op lxxx mudde d(er) maten/ van ghete Behoudelic dien oft men bevonde dat die als/ dan beter bevonden(en) wae(re)n getaxeert datme(n) he(m) dat aen/ sijn pechtinge afcortten sal en(de) warense argher getaxeert/ dat sal de vors(creven) wynne den vors(creven) lanceloet oprichten als v(er)reicte schout Item opden somerart sal de vors(creven) wynne tsijnen af scheiden laten besayet vii boend(er) en(de) viii(½) roede met cortter/ even(en) Item desghelix vii dach(mael) met langer even(en) Item insgelix/ een boend(er) met grauwer erweten xii roeden met witter/ erweten ii boend(er) en(de) een roede met crocken Item sal de/ vors(creven) wynne de meyssche vore tsijnen afscheiden gelijc reenge/ noeten Item en mach de vors(creven) wynne bynne(n) den vorscr(even)/ t(er)mijn gheen ande(re) goede aenverden noch oic tvors(creven) hoff/ niemant and(er)s uutgheven dan met consente des voirs(creven)/ lanceloots Item sal de vors(creven) wynne sijnen t(er)mijn lanc due(re)nde/ de vors(creven) huysinge houden wel en(de) loflic vand(er) underster/ rikelen nederweert op sijnen cost Item sal de vors(creven) wynne/ jairlix int vors(creven) hof leve(re)n vijfhondert walme(re)n om de huysinge/ alsair mede te decken en(de) als die aldair v(er)dect sullen worden/ sal de vors(creven) wynne den wercluden den montcost gheven en(de)/ lanceloet sal de dachue(re)n betalen en(de) desgelix also vanden pleckers/ mair de vors(creven) wynne moet op sijnen last den leem en(de) anders/ halen Item sal de vors(creven) wynne op sijnen cost den vors(creven) t(er)mijn
//
due(re)nde alle de vorste vanden huysen houden gedect also dat/ de vors(creven) lanceloet dair bij gheene schade en lijde Item sal/ de vors(creven) wynne jairlix alle de chijse en(de) pachten uuten vors(creven)/ goeden gaende betalen also in tijts dat de vors(creven) lanceloet d(air)/ bij gheen schade en lijde in afcorttingen d(er) vors(creven) so(m)men Item/ en mach de vors(creven) wynne jairlix opde vors(creven) lande niet meer/ besayen met raepsaye dan een boender Item sal de vors(creven)/ wynne den vors(creven) lanceloet bereiden also vele lants dat de wynne/ den selven lanceloet besayen sal een halster lijsaets mair des/ moet de vors(creven) lanceloet den saet leve(re)n Item sal de vorscr(even)/ wynne jairlix met sijnen beesten houden gaen(de) twee vercken(en)/ en(de) vi cap(uynen) Item want de vors(creven) lanceloet den vors(creven) wynne tsijne(n)/ incomen geleent heeft een mudde spelten en(de) iiii mudden even(en)/ en(de) xx stuvers hoy met te copen eenen wagen een ploech twee/ eeghden metter toebehoe(re)nde getaxeert op viii ryns gulden(en) Item een coe van iiii r(yns) gul(den) en(de) een soch van eene(n) r(yns) gul(den) te/ xx st(uvers) tstuc soe is vorweerde dt hij hem de so(m)me betale(n)/ sal tsijnen afscheiden oft hem als dan die wedero(m)me leve(re)n/ geschat als voir ende dair toe die spelte en(de) even(en) voirs(creven) Item/ sal de vors(creven) wynne [lanceloet] hebben tderdendeel van alle den oofte/ wassen(de) inde bogarde vand(en) vors(creven) hove en(de) opde vors(creven) goede/ die de vors(creven) wynne te loven(en) leve(re)n sal Hier af zijn borgen/ des voirs(creven) wynne willem gheerts jan van orsmale wouter/ everarts en(de) [vacat] smet van cleyn adorp et p(ri)m(us)/ Ende de vors(creven) wynne heeft geconsenteert oft hij bynnen den/ vors(creven) t(er)mijne aflivich wordde dat dan zijn borgen vors(creven) ter/ stont de vors(creven) pechtinge oft deen van hen sullen mogen/ aenverden cor(am) blanckart zande januarii ult(ima)