Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van lov(en) saluyt/ doen cont en(de) te weten dat opden dach datum van desen/ voir ons comen is peter hasart sone wilen joes woenen(de)/ te brugge en(de) heeft geconstitueert gesedt volcomen macht/ procuracie et auctoriteit gegeven janne hasart zijnen brued(er)/ alle zijn saken questien en(de) gescille als de vors(creven) peter uut/ staen(de) heeft oft namaels hebben sal mogen voir wat gerichte/ gheestelic oft weerlic dat dat zijn oft geschien mochte/ Alle des vors(creven) peters jairgulden [sculden] opcomi(n)gen en(de) vervallen/ goede beruerlic en(de) omberuerlic chijsen renten erfpachte(n)/ als hij heeft en(de) hem namaels vallen zullen inden/ lande van brabant oft dair buyten te wat plaetsen oft aen/ wat p(er)sone hij die uutstaende heeft en(de) men hem sculdich/ is oft hier namaels wesen zal in e(n)niger manie(re)n Te/ verwae(re)n te manen teysschen opte boren en(de) tontfangen tegen
//
oft aen wat p(er)sonen dat dat zijn mach dair voir te panden/ te dagen te beleiden rastemente te doen leggen die met/ rechte texeque(re)n te vervolgen en(de) te vorde(re)n alle scepen(en)/ brieve met rechte te volg vo(n)nissen en(de) vorderinge/ te nemen en(de) te doen na costume en(de) gewoenten/ vanden plaetsen dair dat behoe(re)n sal En(de) ofs noet/ geboirde voir alle richte(re)n gheestelic en(de) weerlic/ zijn saken te conteste(re)n te decline(re)n en(de) vortaen/ generalic en(de) specialijc allet ghene d(air) inne te doen/ en(de) te vorde(re)n des de vors(creven) pet(er) selve in p(er)sone soude/ mogen doen telker tijt oft hij tegenword(ich) en(de) voir/ ogen wae(re) P(ro)mitt(ens) rat(um) salvo iusto calculo febr(uarii) xii