It(em) gielijs de swerte(re) en(de) willem carijs die als geleid tot de(n)/ goede(n) have en(de) erve peters van maerbeke in rechte stonde(n)/ voir meye(r) en(de) scepen(en) van loeven(en) inde banc tege(n) bartelmeeuse/ de vos en(de) ambrosiuse va(n) maerbeke zijne(n) zwagher om seke(re)/ pe(n)ninge van vi pet(er)s die neel vand(en) dale als wynne/ svoirs(creven) pet(er)s van zijne(n) goeden te cortbeke geleg(en) sculd(ich) was/ Welcke pe(n)ni(n)ge de selve bartelmeeus en(de) ambr(osius) met/ behoirlijke(n) rasteme(n)te en(de) genechte(n) uutgewo(n)nen hadde(n)/ en(de) de selve geleidde nu onlancx aende(n) selve(n) neele hier/ bi(n)nen loeven(en) wesen(de) uut crachte van hue(re)n beleyde oic/ hadde(n) doen raste(re)n meynen(de) die te trecke(n) Hebbe(n) geco(n)senteert/ dat die pe(n)ninge den voirs(creven) bartelmeeuse en(de) ambr(osiuse) volge(n)/ sele(n) o(m)beledt van he(n) behalve(n) dat zij dair af betalen/ sele(n) xxv stuv(er)s eens alse voir trecht vand(en) voirs(creven) beleide/ dat de selve gielijs en(de) wille(m) hadde(n) doen doen En(de)/ hebbe(n) de selve gielijs en(de) wille(m) voort geconsenteert/ dat de voirs(creven) bartelmeeus en(de) ambr(osius) die xxv stuv(er)s yerst/ en(de) voir al sulle(n) moege(n) neme(n) vand(en) yerste(n) pe(n)ni(n)g(en)/ die den geleide(n) va(n) wege(n) des voirs(creven) pet(er)s oft va(n) zijne(n)/ goede(n) come(n) sele(n) Ende voort dat tvoirs(creven) gedinge dat hier/ om geweest is mits dese(n) versmolten sal blive(n) cor(am)/ hoeve(n) burg(imagistr)[o] febr(uarii) xvii