SAL7363, Akte: R°220.2 (408 van 565)
Akte R°220.2
Act
Datum: 1470-03-09
Transcriptie
2018-02-21 door Mi-Je Van GilsNae dien dat arnd vanden doirne ende katlijne sijn huysvrouwe hadde/
doen dachdoen jacoppen truwants die alsoe zij seiden borghe bleve(n) wae(re)/
voer seke(re) haeflike goede die de vors(creven) katlijne hadde doen raste(re)n en(de) te(n) naest/
lesten daige van rechte niet geco(m)pareert en wae(re) soe begheerden de vors(creven)/
gehuysschen tvo(n)nis Dair tegen die voirs(creven) jacop tegewoirdich sijnde dede/
seggen dat hij hoopte noch tijts genoech te comen(e) om hem te v(er)antw(er)d(en)/
oft den p(ri)ncipalen te rechte te bringen(e) Op dwelc dach doen jan lenarts/
geheete(n) de putte(re) vorste(r) en(de) dyene(r) m(ijns) gened(ichs) he(re)n cleerde bij sijnder/
eedt dat hij te meer stonde(n) en(de) oic op heden den vors(creven) jacoppe dach/
gedaen heeft Soe wijsden de he(re)n scepen(en) van loeven(en) ter manissen/
smeyers dat soe verre de vors(creven) katlijne den vors(creven) jacoppe geliefde/
aente sprek(en) met rechte dat sij dat soude moig(en) doen p(rese)ntib(us) o(mn)ibus/
scabinis dempt(is) roelants ouderogghe m(ar)tii ix
Nagekeken door: Jos Jonckheer
Moderator: Jos Jonckheer
Laatste update:: 2016-07-13 door Xavier Delacourt