Alsoe als vaste een wile tijts gelede(n) seke(re) questie(n) en(de) gescille(n) opv(er)stae(n)/ en(de) geport zijn tusschen m(eester) augustijne va(n) nethen(en) gehete(n) vande(n)/ royele ter eender zijde(n) en(de) janne va(n) winxele ter ande(re) ten/ ocsuyne van eender come(n)scap van seke(re)n erfpachte en(de) chijse/ die de her wouter wile(n) van nethe(nen) als hij leefde hadde op/ seke(re) goede en(de) pande te bevekem ende te dorne gelege(n) die/ de voirs(creven) jan van winxele tege(n) de(n) vors(creven) m(eester) augustijne als/ een vande(n) executeurs des testame(nt)s des bijde(n) vors(creven) wile(n)/ he(re)n woute(re)n gemaect ten bijsijne vande(n) erfgename(n) desselfs/ wile(n) he(re)n wout(er)s gecocht en(de) gecrege(n) hadde d(air)af tusschen/ de selve p(ar)tien m(eester) aug(ustijne) en(de) janne seke(re) vo(n)nisse(n) ende/ t(er)minacien ware(n) gelope(n) die geregistreert stae(n) Ende zij nu/ nade(n) selve(n) vo(n)nisse(n) en(de) t(er)minacie(n) weder in gescille en(de) twidrachte/ gevalle(n) zijn vande(n) pointe(n) hier nae v(er)cleert aencleven(de)/ der voirs(creven) come(n)scap en(de) hebbe(n)[gheven(de)] huer voirtstel en(de) meyni(n)ghe/ opde selve pointe(n) te beyde(n) zijde(n) voe(r) de(n) rade vander/ stat ov(er)gegeve(n) in gescrifte Soe eest dat die rijpelijc/ gevisenteert zijnde en(de) ov(er)sien de voirs(creven) vo(n)nisse(n) en(de) t(er)mi(n)acie(n)/ en(de) die in machte en(de) weerde(n) houde(n) bijder stat rade/ inden voirs(creven) pointe(n) en(de) tusschen de voirs(creven) p(ar)tien ov(er)drage(n)/ en(de) get(er)mineert is voe(r) reden(en) en(de) recht tghene des/ hier nae volcht Yerst meynde de voirs(creven) jan va(n) winxele/ dat hij bij bevele ende co(n)sente vande(n) erfgename(n) des voirs(creven)/ he(re)n wout(er)s te weten(e) d(er) joffr(ouwe) van hoochstrate(n) gegeve(n) hadde/ he(re)n jacope uuyte(n) lyemi(n)g(en) ridde(r) van sijne(n) rente(n) die hij/ voirtijts hadde achterstellich en(de) ombet(aelt) uuytstaen(de) aende/ goide vande(n) royele de so(m)me va(n) hondert en(de) vijf r(ijns) g(ulden)/ te xx st(uvers) tstuck en(de) dat hem die inder voirs(creven) come(n)scap/ corte(n) souden want d(air) toe diende(n) voe(r) he(m) seke(re) vo(n)nisse(n)/ en(de) t(er)minacie(n) D(air)af de voirs(creven) m(eester) aug(ustijn) meynde de contrarie/ ontkinden(de) dat dbevel d(er) vors(creven) joffr(ouwe) soude zij(n) geschiet
//
seyde oic datme(n) den voirs(creven) he(re)n jacope soe vele niet/ achterstellich en was om dat hij seke(re) prouffite(n) van/ sijne(n) onderpande(n) hadde getoge(n) die billijcke(n) gecort/ souden hebben geweest en(de) dat hij noyt consent d(air)toe/ en gaf d(air)om hij meynde soe v(er)re vele de(n) vors(creven)/ janne ind(er) vors(creven) come(n)scap niet te corten(e) want hij/ gheen consent van dier betaling(en) he(re)n jacoppe/ gedaen gegeve(n) en hadde en(de) hij wae(re) de v(er)coop(er)e/ Hier op wert get(er)mineert want dit point he(re)n/ jacope vors(creven) absent zijnde grotelijc [minste] aenghinghe/ dat dese sake berusten soude tot beloken(en) paessche(n)/ naistcomen(de) op hope dat d(air)enbynne(n) de selve h(er) jacop/ come(n) soude en(de) datt(er) dan [inne] soude w inne werde(n)/ gedaen des behoirde d(air)toe beyde de p(ar)tien consent/ droeghen It(em) als vande(n) tweentseve(n)tich rijd(er)s tstuck/ te xxvi st(uvers) die de vors(creven) jan inder voirs(creven) come(n)scap/ meynde te corten(e) als voe(r) zijn rente va(n) xii rijd(er)s tsjairs/ die hij heeft opde goide vand(en) royele van vi jare(n)/ v(er)lope(n) d(air)inne de vors(creven) m(eester) aug(ustijn) zwarich(eit) maecte/ mits reden(en) d(air) na af geruert wort H(ier)op wert get(er)mineert/ dat de vors(creven) lxxii rijders de(n) vors(creven) janne inder vors(creven)/ come(n)scap corte(n) selen op alsoe dat hij d(air)af sal geve(n)/ behoirlike quitan(cie) den vors(creven) m(eester) aug(ustijne) en(de) ande(re) quitan(cie) behoven(de)/ ende dat hij dan genoech doen sal en(de) restitucie van die(n)/ xiii mudden corens en(de) thien g(ri)pen tsjaers [eens] [eens] die hij kinde/ bynnen(n) de(n) voirs(creven) vi jae(re)n vand(en) voirs(creven) goide(n) vand(en) royele/ sijne(n) onderpande(n) gehave(n) te hebbe(n) It(em) als vanden twee/ crone(n) die de vors(creven) jan van winxele seyde d(er) wet va(n)/ beveke(m) en(de) doirne gegeve(n) te hebbe(n) om dat hij h(ier) ind(er)/ stat quame(n) omte v(er)stane tott(er) vors(creven) guedinge(n) vanden/ vors(creven) erfpachte en(de) chijse mids dat de wid(uwe) van/ hoochstrate(n) niet en woude trecke(n) buyte(n) de guedinge(n)/ doen die hij meynde dat he(m) aende come(n)scap corte(n)/ soude d(air)af de vors(creven) m(eester) aug(ustijn) hielt de contrar(ie)
//
Hier op wert get(er)mineert eve(n)verre de vors(creven) m(eester) aug(ustijn)/ conde bewijsen alsoe hij beleyt dat de voirs(creven) jan/ van winxele sake was dat de wethouders om de [totter] vors(creven)/ guedinge te verstane anderwerf come(n) moeste(n) dat/hem in dien gevalle de vors(creven) twee crone(n) de(n) vors(creven)/ janne niet corte(n) en sele(n) maer and(er)s sele(n) zij hem/ gecort worden Item als vande(n) seve(n) rijd(er)s vijf st(uvers)/ die de vors(creven) jan van winxele heeft moete(n) ghelde(n)/ van pontghelde d(er) voirs(creven) zijnder xii rijd(er)s erflijck/ die hij heeft opde vors(creven) goide vande(n) royele mits/ dat de vors(creven) h(er) wout(er) zijn v(er)cop(er)e der selv(er) xii rijd(er)s/ die niet betaelt en hadde en(de) de gro(n)thee(re) d(air) voe(r) hadde/ doe(n) volge(n) op jans ond(er)pande die hij doe(n) in/ hande(n) hadde die hij meynde dat he(m) ind(er) vorscr(even)/ come(n)scap corte(n) soude(n) des de vors(creven) m(eester) aug(ustijn) niet doen/ en woude meynende dat bij rechte en(de) vo(n)nisse vonde(n)/ was dat de voirs(creven) jan die sculdich soude wese(n) [te dragen] H(ier)op wert/ get(er)mineert dat de stat begheerde dbescheyt voe(r) de(n)/ voirs(creven) m(eester) augustijne h(ier) inne dienen(de) te hoiren(e) en(de) d(air)entend(en)/ recht Voirt hadden sij questie van acht stuv(er)s die/ van voe(r)rade gegeve(n) ware(n) die p(rese)nteerde de voirs(creven) m(eester)/ aug(ustijn) te corten(e) Ten lesten alse van xxviii pet(er)s die/ de voirs(creven) jan gegeve(n) hadde eender vrouwe(n) va(n) doerne/ en(de) die h(er) wout(er) hue(r) sculdich was bleve(n) dair voe(r) zij om/ betalinge te hebben(e) opde gecochte h goide hadde gep(ro)cedert/ die de vors(creven) jan ind(er) vors(creven) come(n)scap meynde te corten(e)/ en(de) die de voirs(creven) m(eester) aug(ustijn) niet corte(n) en woude seggen(de)/ dat [jan] d(air) voe(r) [bezunder] hadde twee sacke corens erflijc buyte(n) d(er)/come(n)scap bieden(de) dat te thoene(n) Hier op wert get(er)mineert/ datme(n) des vors(creven) m(eester) aug(ustijns) thoenisse aenhoire(n) sal [soude] en(de)/ d(air)enteinde(n) recht in (con)silio op(idi) ap(ri)l(is) vi[ta]