Uut dien dat reyne(r) vanden hove als geleid nae deser stadt/ recht voir sijn wettich gebrec tot allen den goeden beyde have/ ende erve aliten vanden hove zijnder suster weduwe peters/ wijlen van bardeghem die nu wettighe werdynne es vranx/ meylaens hem metter stat versuecbrieve gescreven aenden/ meye(r) van arscot oft zijnen stedehoude(r) hadde doen leve(re)n ende/ in handen stellen alle die selve goede onder den selven meye(r)/ geleghen Ende voirt op heden metten selve brieve dach/ van rechte doen beteeken(en)de de selve weduwe van bardeghem/ den voirgenoemden vrancken meylaens hue(re)n man wille(m)me/ everarts behuwede sone der vorscr(even) weduwen van bardeghe(m)/ ende lijsbetten van bardeghem sijnen wettigen wive dochter/ der voirs(creven) aliten vanden hove die zij heeft vanden vorscr(even)/ wilen pete(re)n van bardeghem hue(re)n man op dat zij oft/ eenich van hen die voirscreven scepen(en) brieve oft leve/ ringhe wederlegghen oft e(n)nichsins inpugne(re)n hadden wille(n)/ Tot welken daighe die voirs(creven) weduwe vranc hue(r) man/ willem everarts lijsbeth sijn wijf noch gheen van hen/ alhier gecomen noch gecompareert en zijn oft den selven/ dach verwacht en hebben mair die voirscr(even) reynere/ vanden hove heeft als geleit gelijc voe(r) e(r)nstelijck trecht/ voirt doen versueken c ende met certificacien des meyers/ van arscot te weten henrix vander rivie(re)n gescreven aende/ wethouders van deser stat ende anderssins behoirlic doen/ blijken dat de voirs(creven) execucie ende leve(ri)nghe al navolgen(de)/ den voirscr(even) versuecbrieven es gesciet de ende dat den/ voirscr(even) p(er)sonen ende elken van hen den dach van rechte/ inde(n) selven versuecbrieve v(er)claert besceiden es geweest te/ lovenen te compare(re)n Soe hebben die he(re)n scepen(en)/ van loeven(en) ter manissen smeyers gewijst voir een vo(n)nisse/ datmen den voirs(creven) reyne(re)n vanden voirscr(even) goeden houden/ soude inde macht van zijnen voirscr(even) beleide alsoe verre/ alst noch voir scepen(en) comen es p(rese)ntib(us) scabinis in scampno/ octobr(is) xii