It(em) nae de vo(n)nissen die bij scepen(en) van loven(en) gewesen zijn xiiii en(de)/ xvi dage der maent septembr(is) [lestled(en)] tusschen jannen marcelijs de(n) jonge(n)/ procur(eur) jans m(ar)celis zijns vaders als aenlegghe(r) in deen zijde/ symone ende henr(icke) fage gebruede(re)n verweerde(re)n in dande(re) ond(er)/ ons geregistreert staen(de) Sijn de voirs(creven) p(ar)tien come(n) voe(r) de(n) rade/ vander stat daer de voirs(creven) aenlegghe(r) hiesch zijn costen va(n) rechte/ ende ghaf die over bij specificacie(n) van rec in gescrifte meynen(de) want/ oppenbaerlijck de voirs(creven) vo(n)nisse(n) hem medegegae(n) ware(n) dat hem zij(n)/ costen bijden voirs(creven) verweerde(re)n souden werden opgeleegt ende/ dat de voirs(creven) gebruede(re)n souden zijn gehouden totten voldoene/ vanden selven vo(n)nissen die diffinitijf ware(n) Daer jeghen de/ voirs(creven) gebruede(re)n hen opponeerden meynen(de) dat zij inde costen/ bijden voirs(creven) aenleggher overgegeve(n) niet en souden zijn gehoude(n)/ende begeerden en(de) versochten dat gevisenteert werde bijder/ stadt raide eene uuytsprake gedaen tusschen hen ende de(n)/ voirs(creven) janne m(ar)celijs huerd(er) wederp(ar)tien voe(r) scepen(en) van ov(er)ijssche/ dairaf den brief van scepen(en) van overijssche voe(r) oeghen was en(de) inde(n)/ gedinge come(n) meynen(de) dat niet yegenstaen(de) den voirs(creven) vo(n)nisse(n) zij/ mits der uuytsprake(n) vanden voirs(creven) aenlegg(er)s souden bliven o(n)gemoeyt/ oft dat e(m)mers alle saken souden bliven rusten(de) tot dat de goede ma(n)ne(n)/ die de selve uuytsprake hadden gedaen voe(r) oegen soude(n) come(n)/ ende hen versamen(en) om huer vercle(re)n van allen pointe(n) d(air) questie/ inne valle(n) mochte te doen want zij huer vercle(re)n inder selver/ uuytspraken hadden behouden ende nae inhoudt vanden voirscr(even)/ scepen(en) br(ieven) van overijssche hen gereserveert Hier op wert get(er)mineert/ bijder stat rade gevisenteert de voirs(creven) vo(n)nissen dat de voirscr(even)/ gebruede(re)n gehouden sijn souden de voirs(creven) vo(n)nissen te voldoen en(de)/ te betalen de costen van rechte inder saken geloepe(n) die oick/ ter stont p(ar)tien d(air)op in al gehoirt zijnde getaxeert werde(n) op/ lxv stuv(er)s Ende hadden daerenteynden de voirs(creven) gebruede(re)n eenich/ gebreck dat zij dat volgen mochte(n) op huer wederp(ar)tie met/ rechte behalven altijt de voirs(creven) vo(n)nissen in hue(re)r macht in/ pleno consilio septembr(is) xxii