Item also jan vander grecht de jonge in deen zijde ende gort/ van arenberghe becke(r) in dande(re) die beide geleit zijn met/ scepen(en) brieven van loven(en) tot allen den goeden have en(de) erve/ roelofs wilen vranx inde banc te rechte comen zijn/ om dat elc zijn wettige schout die hij aende voirs(creven) goede/ meynde te verhalen Soe heeft gemeynt de vors(creven) jan/ vander grecht want zijn beleit ouder is dat hij tsijne/ voir den vors(creven) gorde verhalen soude den vors(creven) gorde
//
houden(de) dat hij dan dair na de selve goede die overschieten/ mochten tot zijnder schout behoeff zoude hebben Hier op/ wert gewijst bij vonnissen der scepen(en) van loven(en) ter manessen/ smeyers dat de vors(creven) jan vand(er) grecht zijn schout verifice(re)n/ zoude en(de) dair voir die goede exeque(re)n en(de) hadde gort/ dae(re)nteynden e(n)nich gebrec dat hij dat volghde met rechte/ p(rese)ntib(us) roel(ants) tymple blanck(art) zande maii x