Cont zij allen lieden dat katlijne weduwe colijns wilen gielijs rondeels/ en(de) jan gielis hair sone in p(rese)ncia hebben genomen tegen he(re)n/ gielis van kerckem portier des godshuys van percke alsulken derthien/ boender onder lant beempden heyden en(de) bosch als de vors(creven) porte/ heeft liggen(de) inde prochie van nethen(en) in div(er)sen stucken Te/ houden en(de) te hebben van half merte lestleden eenen t(er)mijn van/ negen jae(re)n lanc due(re)nde deen na dand(er) zonder middel/ vervolgen(de) elx jaers dae(re)nbynne(n) om en(de) voir seven/ mudden rox en(de) een half mudde teruwen al goet en(de) payabel/ d(er) maten van loven(en) met wanne en(de) vlogelen wel bereit/ sinte andriesmisse apostels te betalen en(de) op den greynnier/ int vors(creven) cloester te leve(re)n den vors(creven) portir oft zijne(n) procur(eur)/ quolib(et) ass(ecutu)[m] Item sullen de vors(creven) wynne jairlix de vors(creven)/ wynnen(de) lande wynnen werven en(de) mesten ten behoirliken/ tijde wel en(de) loflic gelijc reengenoten boven en(de) beneden/ Item dwint(er)coren sallen zij sayen op iiii getijde voe(re)n tsom(er)core(n)/ op twee vore(n) Item thue(re)n afscheiden zullen zij de lande bloet/ laten want zij die also aenveerden [behalven dat zij de meysche vore om doen sullen] en(de) op dleste jair sullen zij/ den chijs betalen op hue(re)n last en(de) oic alle jae(re) den vors(creven)/ t(er)mijn lanc due(re)nde also in tijts d zond(er) afslach des vors(creven)/ steet also in tijts dat dair gheen scade af en come/ Item sullen zij de(n) vors(creven) bosch ten behoirliken tijde mogen/ houwen Item oft zo geborde dat d(air) e(n)nige willigen/ oft ooftbomen v(er)droeghden die zullen zij mogen afhouwe(n)/ bij also dat zij dair voir setten sullen en(de) opvueden ii poote(n)/ vand(en) selven arnde En(de) dese vors(creven) vorwerden (et)c(etera) abs(oloens)/ blanckart aprilis ix