Allen den ghenen die dese l(ette)ren sulle(n) sien oft hoiren lese(n) burg(er)meeste(re)n/ scepen(en) ende raet der stat van loven(en) saluyt doen condt ende/ te weten(e) opden dach van hede(n) dat voir ons come(n) is in prope(re)n/ p(er)sone jan bosch van sinte katlijne(n) lombeke ende heeft/ geconstitueert gesedt volcome(n) macht p(ro)cu(r)acie en(de) auc(tori)teyt gegeve(n)/ andriese de slachmolde(re) vander nat alle en(de) yegewelke zij(n)/ sake(n) questie(n) en(de) gescille(n) als de voirs(creven) jan bosch alsnu uutstaen(de)/ heeft oft namaels hebbe(n) soude moege(n) voir wat gherichte dat/ dat we(re) gheestelijck oft weerlijck inden lande(n) va(n) brab(ant) vlaende(re)n/ oft elde(r) tege(n) oft aen wat p(er)sone dat dat wae(re) alle zijn/ jairgulden sculden opcominge(n) en(de) v(er)valle(n) hoedanich die zijn te/ verware(n) te mane(n) teysschen opte bue(re)n en(de) tontfange(n) (et)c(etera) Ende/ voirtane g(e)n(er)alijc en(de) spe(ci)alijc d(air)inne te doene (et)c(etera) in meliori/ forma salvo iusto calculo aprilis vii