SAL7363, Akte: V°33.2 (70 van 565)
Akte V°33.2
Act
Datum: 1469-08-03
Transcriptie
2017-06-09 door Mi-Je Van GilsAllen den ghenen (et)c(etera) doen cond en(de) te weten dat opde(n) dach van/
heden dat(um) van desen voir ons come(n) es in prope(re)n p(er)sone henric/
van ha(m)me woenen(de) tot humelghe(m) ende heeft geconstitueert gesedt/
volcome(n) macht p(ro)curacie en(de) auctoriteit geg(even) he(re)n amelrike van/
ha(m)me prieste(r) zijnen wettig(en) sone alle ende yegewelke sijn sak(en)/
questien ende gescillen die hij tegewoirdichlic uutstaen(de) heeft oft/
naemaels hebben soude moig(en) voir wat gerichte geestel(ijc) oft/
weerlic tege(n) oft aen wat p(er)soen(en) oft van wat sak(en) goede(n) oft stuck(en)/
oft oic te wat plaetsen dat dat sijn oft te doen mocht wesen Aller/
des vors(creven) henrix va(n) ha(m)me jairguld(en) sculden opcomi(n)g(en) p(ro)fite(n) v(er)valle(n)/
goede(n) beruerlic en(de) omberuerlic chijse(n) rinte(n) erffpachte(n) hoedanich die/
zijn wair die die hij tegewoirdichlic uutstaen(de) oft liggen(de) heeft oft/
die hem naemaels e(n)nichsins toecomen vallen en(de) verschijne(n) souden/
moigen te wat plaetsen dat dat wae(re) Te verware(n) te mane(n) teyssce(n)/
op te bue(re)n te ontfang(en) dair voe(r) te pande(n) te daig(en) te beleiden/
rasteme(n)te te doen legg(en) die met rechte texeque(re)n te v(er)volg(en) te vorde(re)n/
te bescudden te beding(en) texeque(re)n alle scepen(en) br(ieven) met rechte te/
vo(n)niss(en) ende vorde(ri)nge d(air) af te neme(n) te v(er)volg(en) en(de) te versuck(en)/
Ende ofts noot geboirde voir alle gerichte(n) geestelijc en(de) weerlic/
alle des vors(creven) henr(ix) sake(n) questie(n) en(de) gescille(n) met rechte te (con)teste(re)n/
te decline(re)n te reco(n)venie(re)n texcipie(re)n te v(er)antweerd(en) te bescudde(n)/
te beding(en) te replice(re)n te duplice(re)n (et)c(etera) In meliori for(ma) alle/
des vors(creven) steet te wynne(n) te vers verliese(n) composicie cete(r)aq(ue)/
p(ro)mitt(ens) rat(um) salvo iusto calculo aug(usti) t(er)cia
Nagekeken door: Jos Jonckheer
Moderator: Jos Jonckheer
Laatste update:: 2016-07-06 door Xavier Delacourt