Vander aenspraken die huyge van udekem ond(er)meye(r) te loeven(en) gedaen/ heeft tot pete(re)n de hoendermenge(re) seggen(de) dat hij onlanx lede(n) eene(n)/ geheeten heyne de groete uutgedaicht hadde uut sijnen huyse alsoe/ hij boot te thoene(n) dair aen hij verboort hadde eene(n) wech sint jacops/ in galissien oft alsulken bet(er)nisse als scepen(en) van loeven(en) wijsen souden/ dair tegen die vors(creven) peter seyde datmen dat alsoe niet bevinde(n) en/ soude Was gewijst bij vo(n)nisse der scepen(en) van loven(en) ter manissen/ smeyers dat de voirs(creven) peter den selven meye(r) ter bet(er)niss(en) doen/ soude eene(n) wech te rutsemadouwe darwart porren binne(n)/ veertich daigen naistcomen(de) ende goede waerheit d(air) af bringen/ oft sijnen moet hebben cor(am) o(mn)ib(us) scabinis dempt(is) ouderogge vync/ sept(embris) xvi