Cond zij alle(n) lieden dat henric de gouwe(re) sone wile(n) jans woenen(de)/ te kessele in p(rese)ncia heeft genomen ende bekint dat hij genome(n)/ heeft van meest(er) laureyse van maelcote prieste(r) [renu(n)c(ians)] zijn hoff gelege(n)/ te kessele metten huysen hove(n) wynnen(de) lande bogarde bempde/ gelijc ende alsoe v(er)re gord stamelant die gehouden heeft Te/ houden te hebben ende te wynne(n) va(n) halfmerte lestleden eene(n)/ t(er)mijn van sesse jare(n) lang Met (con)d(icien) oft hen beyde(n) geliefde dat de(n)/ t(er)mijn ix jare(n) lang dure(n) sal en(de) oft e(n)nich van hen te(n) seste(n)/ jare sceyde(n) woude dat sal hij de(n) ande(re)n een half jaer sculdich/ zijn te condigen Elcx jaers darenbinne(n) om en(de) voe(r) xx holl(ansche)/ guld(en) te xvi st(uvers) stuc en(de) xviii mudde rocx goet en(de) payabel/ d(er) mate(n) van loeven(en) droeghe en(de) ongeschote(n) alle jae(re) tvoirs(creven)/ ghelt tsinte m(er)tensmisse en(de) tvoirs(creven) coren tsinte andriesmisse te/ betale(n) en(de) te loeven(en) tsen huyse des voirs(creven) meest(er) laur(eys) te/ leve(re)n alle jare de(n) voirs(creven) t(er)mijn dueren(de) q(u)[o]l(ibet) ass(ecutu)[m] uutge/ sceyde(n) dese yerste twee jare(n) en sal hij maer geve(n) xx/ holl(ansche) gul(den) xiiii m(ud)[de] en(de) i sack rocx om deswille dat hij/ hiere(n)binne(n) niet hebbe(n) noch houde(n) en sal i boend(er) lants dat nu houden(de) is pauwels helsceviers gelege(n) op kesselvelt/ It(em) is voirw(er)de dat de voirs(creven) henr(ic) tsijne(n) afsceyde(n) late(n)/ sal de vii dach(mael) lants gelege(n) over de lyemi(n)xbeke gemest/ met xviii botvoede(re)n mest en(de) wel bezayt gelijc reengenote(n)/ It(em) de i(½) dach(mael) lants gelege(n) ond(er) de p(er)sse en(de) i dach(mael) lants/ gelege(n) acht(er) pauwels helscevier elc va(n) met vii botvoed(er)/ mests en(de) besayt als voe(r) It(em) tgherst lant en(de) de brake/ sal hij late(n) alsoe hij die vandt en(de) te(n) leste(n) jare sal hij/ die storte eens o(m)medoen en(de) te(n) leste(n) jare en sal hij/ gheen brake moege(n) hoervruchte(n) maer die late(n) tsinte/ denijsmisse gelijc reengenote(n) It(em) en sal de wynne gheen/ ander lande noch goede moege(n) aenv(er)de(n) binne(n) zijne(n) t(er)mijne/ ten zij bij consente des vors(creven) meester laureys dan tsijne
//
vanden welken de [zijne(n)] wynne gheen stroe int voirs(creven) st hoff te(n) leste(n)/ jare bringe(n) en sal noch zijn goet alsdan meste(n) uute(n) meste/ vanden voirs(creven) hove It(em) sal de voirs(creven) wynne alle jae(re) int/ voirs(creven) hoff leve(re)n xv bussele(n) walms elcke bussele va(n) xv walme(re)n/op om de huysinge vande(n) voirs(creven) hove mede te decke(n) en(de)/ noch jaerlijcx een mandele orete(n) te loeven(en) leve(re)n de(n) voirs(creven)/ meeste(re)n laur(eys) tsijne(n) huys Bove(n) dese(n) sal de voirs(creven) henrick/ tsijne(n) leste(n) jare late(n) int voirs(creven) hoff v mandele(n) stroes voir/ den toecomen(de) wynne It(em) bove(n) tvoirs(creven) stroe en(de) sal de voirs(creven)/ henr(ic) tsijne(n) leste(n) jare gheen stroe moege(n) scudden en(de) al/ dmest dat alsdan int hoff zijn sal dat sal d(aer) moete(n) blive(n)/ It(em) sal de voirs(creven) wynne alle de grechte(n) omtrint de(n) voirs(creven)/ bempde(n) jaerlijcx ruyme(n) veeghe(n) en(de) ryoele(n) wel en(de) loflijc/ en(de) die vage garde(n) als zijs behoeve(n) en(de) die alsoe laten te/ zijnen afscheyden Desgelijcx sal hij de strate(n) en(de) beke(n) liggen(de)/ aende lande vande(n) voirs(creven) hove veghen en(de) ruyme(n) wel en(de)/ loflijc alsoe dat dair bij gheen scade en gesciedt It(em) en sal/ de wynne gheen recht hebbe(n) in thout op de voirs(creven) goede/ wassende uutgenome(n) aende vorle aen tvoirs(creven) dach(mael) aen dbosch/ van rode bove(n) en(de) benede(n) en(de) oec aende vorle aen dboend(er)/ ond(er) de(n) kesselberch It(em) alsme(n) ald(aer) struncke(n) sal dan salme(n)/ de(n) wy(n)ne leve(re)n vrede en(de) stake(n) om te v(er)make(n) dair behoeve(n)/ sal It(em) alle thout dat m(ijn) hee(r) opt voirs(creven) erve sal doen/ make(n) sal de voirs(creven) wynne m(ijn) hee(r) te loeven(en) leve(re)n sond(er)/ des he(re)n cost en(de) alle de wij(n)g(ar)tstake(n) ald(aer) vallen(de) sal de/ voirs(creven) wy(n)ne leve(re)n jaerl(ijx) op de(n) roesselberch oft [en(de)] kesselberch/ dairs m(ijn) hee(r) beghe(re)n sal en(de) alle wijng(ar)t dat w valle(n)/ sal op kesselberch sal de wynne te loeven(en) leve(re)n It(em) alle/ de(n) wijn jaerl(ijx) wassen(de) te(n) plaetse(n) voirs(creven) sal hij insgel(ijx) thuys/ leve(re)n te wijntijde It(em) allet ooft jairl(ijx) wassen(de) int/ voirs(creven) hoff salme(n) te gelike(n) coste doen coste doen lesen/ en(de) gelijc deylen en(de) de wy(n)ne sal de(n) lesere de(n) montcost/ gheve(n) en(de) m(ijn) he(re)n helicht sal de wy(n)ne te loeven(en) levere(n)
//
en(de) des d(aer) va(n) slachwynde valle(n) sal dat salme(n) insgel(ijx) en(de) te/ loeven(en) bringe(n) It(em) soe wa(n)neer me(n) dect oft plect aldair dan/ sal m(ijn) he(r) de dachue(re)n betale(n) en(de) de wy(n)ne de(n) w(er)cliede(n) de(n)/ montcost gheven en(de) m(ijn) hee(r) sal alle behoefte d(aer) toe gheve(n)/ uutgenome(n) de(n) s leem die sal de wy(n)ne d(aer) toe halen en(de)/ lev(er)en It(em) sal de wy(n)ne de huysinge vande(n) voirs(creven) hove/ houde(n) wel en(de) loflijc zijne(n) voirs(creven) t(er)mijn dueren(de) vand(er)/ underster rijkelen nederw(er)t op zijnen cost It(em) oft m(ijn) hee(r)/ geliefde aldair e(n)nighe huyse oft came(re)n van nyeus te doen/ make(n) is voirw(er)de dat hij dat sal moege(n) doen en(de) die/ sette(n) dairt he(m) geliefde en(de) dair inne noch inde poerte/ ald(aer) nu staende noch inde duyve(n) en sal de wynne/ gheen sacht hebbe(n) and(er)s dan tduve(n)mest dat sal hij/ jaerl(ijx) saeye(n) op de goede vande(n) voirs(creven) hove ten/ meeste(n) p(ro)ffite en(de) niet elswair In(de) est fideiussor go(defri)[d(us)]/ de rotselair d(i)c(t)us ty(m)m(er)man f(ilius) q(uon)d(am) joh(ann)is (com)mor(ans) apud/ kessele et p(ri)mus abs(oloens) vos no(vem)[b(ris)] vi