Allen den ghenen die dese l(ette)ren sullen sien oft horen lesen/ en(de) besunder den eerbae(re)n en(de) wisen onsen lieven besunde(re)n/ geminden vrienden burgermeeste(re)n scepen(en) en(de) raide der/ stat van brugghe burg(er)meeste(re)n scepen(en) en(de) raide d(er) stat/ van loven(en) saluyt en(de) alle vrientschap Doen cont en(de)/ te weten(e) wantmen in allen rechtverdigen saken als men/ des versocht wordt d(er) wairheit getuyge sculdich is te/ gheven dat op den dach datum van desen voir ons/ comen is merten de coesere sone lenarts de coesere/ poirte(r) der stat van brugghe vorg(enoemt) vischcoepe(r) in prop(er)/ p(er)sone opembairlic kynnen(de) en(de) lijden(de) sijns goets moets/ willen dat hij doeghdelic en(de) wettelijc verhuert/ hadde en(de) met desen verhuert te hebben jorise/ hauwe sijnen pete(re)n alsulken stal en(de) plaetse als de/ vors(creven) merten staende heeft op vischmerct inder/ vors(creven) stat van brugghe Te houden en(de) te hebben/ vand(er) dat(en) deser l(ette)ren eenen t(er)mijn van drie jae(re)n/ eenp(er)lijc vervolgen(de) en(de) met twee looten dair/ toe behoe(re)nde om en(de) voir alsulken alsulken prijs/ als de vors(creven) jorijs den vors(creven) m(er)ten vormaels/ dair voir betaelt heeft na gewoenten vand(en) looten/ des ter kynnessen (et)c(etera) januarii xxiii