Item peter zeemps sone wilen jans in p(rese)ncia heeft genome(n) ende/ bekint dat hij genome(n) heeft van reyne(re)n vanden broecke en(de) janne/ zijnen sone hue(r) hof te wynghe geheete(n) te breyne met alle(n) den/ toebehoirte(n) en(de) wynnen(de) lande(n) gelijc en(de) alsoe verre jan dierix/ dat gehoude(n) heeft Te houde(n) te hebben en(de) te wynne(n) van halfmerte/ naistcomen(de) eene(n) t(er)mijn van zesse jae(re)n lanc deen na dand(er) sond(er)
//
middel volgen(de) elx jairs dae(re)nbinne(n) om en(de) voe(r) de helicht van allen/ den vruchten jairlix d(aer) op wassen(de) Met condicie(n) oft e(n)nich van hen/ ten derden jae(re) scheiden woude dat hij dat soude moege(n) doen/ bij alsoe dat die ghene die alsoe scheid(en) wilt dat s(in)t/ m(er)tensmesse voir tvoirs(creven) derde jair den ande(re)n sal moeten/ cundigen It(em) sal de voirs(creven) wynne noch hebben den bog(ar)t/ met eene(n) cleyne(n) hoofken dair bij gelegen den It(em) den/ cluysebeemt It(em) noch vijf zillen beemts gelegen int/ broec va(n) moutbroec den voirs(creven) t(er)mijn lang due(re)nde elcx/ jairs d(aer)enbinne(n) om en(de) voe(r) neghen hollan(sche) guld(en) te xvi/ stuv(er)s tstuc alle jae(re) ts(in)[t] m(er)tensmesse q(uo)l(ibet) ass(ecutu)[m] It(em) sal de/ wynne de voirs(creven) lande den voirscr(even) t(er)mijn lanc due(re)nde/ houden wynne(n) werve(n) en(de) mesten wel en(de) loflijc gelijc/ reengenoten bove(n) en(de) beneden en(de) die laten tzijnen/ afscheid(en) Te weten(e) den wynt(er)art besayt op vier getidege/ voren en(de) de stortte eens o(m)megedaen It(em) alsme(n) tcoren/ binden sal soe sal reyne(r) oft zijn sone dair eene(n) wercma(n)/ sende(n) om d(aer) toe te hulpe(n) en(de) dien sal de wynne de/ dachue(re)n betale(n) ende dat gebonden en(de) gedeylt zijnde sal/ de wynne va(n) stucke te stucke des voirs(creven) reyners deel/ inne vue(re)n eer hij tzijne porren sal ende soe wa(n)neer/ reyne(r) oft zijn sone ald(aer) doet dersschen sal hem de wynne/ den montcost geve(n) des sal hij de crynssen hebben ende/ reyne(r) sal die dachue(re)n betalen Ende de wynne sal des/ voirs(creven) reyners deel vue(re)n te loeven(e) oft te diest dairt/ den selve(n) reyne(r) best gelieve(n) sal It(em) selen de voirs(creven)/ reyne(r) en(de) de wynne alle dooft aldair jairlijcx wassen(de)/ hebben half en(de) half dwelc de wynne met eene(n) die/ reyne(r) d(aer)toe senden sal ter eerde(n) levere(n) sal moete(n) en(de)/ reyners deel vue(re)n te loeven(e) daert he(m) de voirs(creven) reyne(r)/ bewijsen sal sond(er) reyners cost en(de) de wynne sal reyners/deel diene(r) den montcost geve(n) en(de) reyne(r) sal die dachue(re)n/ betalen It(em) de wynne sal jairlijcx hebben vand(en) voirs(creven)/ reyne(re)n driehondert mutsarde voir zijn berringhe/ It(em) sal de voirs(creven) wynne jairlijcx moete(n) coepe(n) veertich/ hoepen stroes te thiene(n) oft d(aer) omtrint d(aer) af sal reyne(r)/ betale(n) de tweedeele en(de) de wynne tderdel en(de) de wynne/ saelt moete(n) halen sond(er) reyners cost It(em) sal de voirs(creven)/ wynne de straten aende goede alst geboden wert vand(en)/ hee(r) houden wel en(de) loflijc de beken ald(aer) vegen alsoe/ in tijts dat de voirs(creven) reyne(r) d(aer) bij gheen schade en lijde/ It(em) sal de wynne alle jae(re) int voirs(creven) hoof leve(re)n drie/ hond(er)t custba(r)e walme(re) om de huysinge vand(en) voirs(creven)/ hove d(aer) mede te verdecken(e) en(de) soe wa(n)neer men die
//
ald(aer) verdect sal de wynne den werclied(en) den montcost geven en(de)/ reyne(r) sal de dachue(re)n betalen It(em) de wynne sal de huyse/ vand(en) voirs(creven) hove vander underster rijkele(n) ned(er)weert houde(n)/ zijne(n) voirs(creven) t(er)mijn lang due(re)nde wel en(de) loflijc op zijnen/ cost Voort sal de wynne alle jae(re) moete(n) sayen op de voirs(creven)/ lande twee halst(er) lijnsaets en(de) d(aer) af sal reyne(r) tvlas half/ hebben alst gedroecht en(de) opgebonden is en(de) de wynne half/ It(em) sal de voirs(creven) wynne alle jae(re) moeten doen twee corweyd(en)/ tot loeven(e) oft alsoe verre Ende alle dese vorweerd(en) (et)c(etera) Hier/ af is borge t(am)q(uam) p(ri)ncipal(is) joh(annes) zeemps eius f(ilius) et p(rim)[(us)] eisd(em)