Allen den ghenen (et)c(etera) doen cont en(de) te weten dat opden dach van heden/ datum van desen voir ons comen es in p(ro)pe(re)n p(er)sone jan de drue woenen(de)/ tantwerpen als voeght en(de) momboir van raphael en(de) katlijne(n) de drue/ sijnen wettigen kinde(re)n onder hue(r) mu(n)dighe daige wezen(de) ende heeft/ geconstitueert gesedt volcomen macht p(ro)cu(ra)cie en(de) auctoriteit gegev(en)/ meest(er) janne van bering(en) sone colijns van bering(en) Te mane(n) teysschen/ optebue(re)n en(de) te ontfangen alsulken lijfrente(n) [die] verschenen ende namaels/ verschinende pachten van alsulken lijfrinte(n) van hondert rinscher gul(den)/ tsjaers alse matheeus wilen de drue oem vanden selven kinde(re)n voer/ maels gecocht en(de) gecregen heeft deen helicht ten live des voirscr(even)/ raphaels en(de) dand(er) helicht ten live der vors(creven) katlijne(n) aen en(de) op/ die vander stat en(de) ba(n)mijlen van luydic beyde gheestelic en(de) weerlic/ kercken cloeste(re)n goidshuysen en(de) hue(r) goede nae uutwijsen der brieve/ d(aer) af zijnde Dair voe(r) te panden te dingen te beleiden rasteme(n)te en(de)/ thee(r) te doen leggen die met rechte texeque(re)n te v(er)volgen te vorde(re)n/ te bedinge(n) alle vordernisse executie vo en(de) te wynne(n) te v(er)liesen ende
//
ofts noot gebuerde voir alle gerichte(n) gheestelic en(de) weerlic alle sake(n)/ questien en(de) gescillen d(aer) uut spruyten(de) met rechte te (con)teste(re)n te/ decline(re)n (et)c(etera) componen(di) quitan(di) (et) quitanc(iam) dan(di) cet(er)aq(ue) g(e)n(er)alit(er) et/ sp(eci)alit(er) ad hoc facien(dum) dat de selve jan de drue beide van the(re) te/ leggen banduyne(n) over te geve(n) oft and(er)s navolgen(de) den selven/ rintbrieve(n) dair inne doen oft vordt vorde(re)n soude mogen wairt/ dat hij telker tijt en(de) plaetsen tegewoirdich en(de) voir oog(en) waire/ p(ro)mitt(ens) rat(um) salvo iusto calculo cor(am) tybe burg(imagistro) vos wynge/ februar(ii) xxi