Item de voirs(creven) ghehuyssche hebben geconsenteert en(de)/ overgegeven voir hen en(de) hue(re)n nacomelingen dat den/ voirs(creven) gasthuyse volgen sal voir djairgetijde der voirs(creven) jouffr(ouwe)/ paesschinen en(de) hae(re)n vrienden en(de) nacomelingen alsulken/ half boend(er) eeusels gelegen te velthem aende spechtst(ra)te/ tusschen den goeden wout(er)s vynx en(de) des prochiaens vand(er)/ biest dair inne de vors(creven) jouffr(ouw) paesschijne hue(r) vry tocht/ hebben en(de) behouden sal also lange zij leeft Daer toe/ hebben de selve gehuysschen geconsenteert dat de voirs(creven) jouffr(ouw)/ paesschijne insgelijx hebben sal te hue(re)r tocht de vii cap(uyne) vand(en)/ ix cap(uyne) erflijck staende op sekere goede en(de) pande wijlen/ henrix singels nu henr(ix) vander calste(re)n gelege(n) te velthem/ ende dair omtrint Voirtmeer hebben de voirs(creven) henr(ic) en(de) zij(n) w(er)dy(n)ne/ ov(er)gegeve(n) bij consente van e(n)nige(n) vande(n) vriende(n) der voirs(creven) joffr(ouwe)
//
paesschine(n) te weten van jacop van velthem van antwerpe(n) ende/ joese de pape waert soe dat hen ontoge(n) werde(n) met rechte/ en(de) hen niet volgen en mochte(n) de goede gecome(n) vand(er) zijden/ d(er) moeder des voirs(creven) wijle(n) henrix ende jouffr(ouw) paesschijne(n) dat/ dan ende in dien gevalle des voirs(creven) steet vande(n) voirs(creven) iii r(yns)/ guld(en) lijftochte(n) va(n)d(en) (½) boende(r) eeussels ende vande(n) vii cap(uyne) vand(en)/ voirs(creven) ix cap(uyne) van onweerde(n) zijn ende blive(n) sal Ende van/ desen hebbe(n) geloeft de voirs(creven) gehuyssche(n) ad mo(nitionem) voird(er) vestich(eit)/ te doene en(de) hant en(de) mont te leene(n) alsoe en(de) dairt behoeve(n)/ mochte abs(oloens) linden martii ix