Het zijn come(n) voe(r) den rade vander stad ter questien/ malc jegen ande(re)n roelof roelofs op deen zijde ende jan/ van haeltert als man ende momboir a(n)nen van ghele docht(er)/ stevens wilen van ghele van holsbeke in dande(r) Daer de voirs(creven)/ roelof opdede hoe dat de selve jan ende hij te holsbeke voirs(creven)/ hadden liggen(de) zeke(r) eeussele onverdeylt ende dat die int/ jaer voirleden tussche(n) hen bij vrienden daer toe van hue(re)r/ beyden wegen gebeden ghemete(n) ende ov(er)slagen ware(n) daer/ goessen tybe nu ter tijt borg(er)meester als een vandes voirs(creven)/ roelofs gebeden oick bij was Aldair naden ov(er)slane vande(n)/ lantmete(r) ende vele tusschensprekens de selve eeussele in/ tween deelen ware(n) gescheyden ende putte(n) tusschen beyde/ gegrave(n) daert scheyden soude ende daer hadde deen [va(n) hen] den/ ande(re)n gherieft van des voe(r) elc erve mocht diene(n) ende/ dat gedaen hadde de selve roelof den voirs(creven) janne in p(rese)ncien/ d(er) goeden ma(n)nen d(aer) wesen(de) coeze gegeve(n) welke zijde hij/ met hue(re)n toegeve(n) ende rechte hebben woude daer de/ selve jan deen zijde hadde genomen te weten de zijde liggen(de)/ neve(n) de strate ende derve des voirs(creven) jans Ende alsoe/ ware(n) beyde de voirscr(even) partien come(n) voir scepen(en) van loven(en) den/ xxi[ten] dach van meye lestleden Ende hadden scepen(en) br(ieve) vand(en)/ voirs(creven) deylingen gepasseert ende elc opdes anders gedeelte/ v(er)tegen alsoe tregister begrijpt d(aer) inden br(ief) gheruert steet dat/ p(ar)tien elc huer erve houden sulle(n) op alsulke(n) vrede en(de) ond(er)slach/ als tusschen hen op tselve erve gemaect was geweest en(de)/ want de voirs(creven) roelof tvoirs(creven) v(er)tijden heeft gedaen duegdelijck/ ende ter goeder trouwen ende opde onderslaghe ende putte/ die daer bij vriende(n) van hue(re)r beyder wegen gesteke(n) ende/ gemaect ware(n) ter p(rese)ncien des voirs(creven) borg(er)meest(er)s niet/ houden(de) dat die e(n)nichssins herset oft hersteke(n) ware(n) nad(er)ha(n)t/ ende hij naderhant bevonden heeft dat de selve putte
//
ende onderslage hersteken ende hermaect zijn geweest ende/ meer tot des voirs(creven) jans porcie(n) weert dan zij voe(r) ware(n)/ ende daer zijn namaels putte gegrave(n) ende onderslage gesedt/ dwelc hij biedt te thoene(n) oft ontkint werde Soe hoept/ de voirs(creven) roelof dat hem d(aer)aen tvoirs(creven) vertijde(n) gheen onstade/ doen en soude maer p(rese)nteerde voir al datme(n) alnoch tvoirs(creven)/ erve deylde ende ondersloeghe opde putte en(de) teeken(en)/ voe(r) gemaect oft dat zijn voirs(creven) p(ar)tien hem gave(n) des/ hem zijn deel vande(n) voirs(creven) erve gecost hadde en(de) haddent al/ oft hij p(rese)nteerde hen thuer te betale(n) gelijck dat hen gecost/ hadde hopen(de) dat zij e(m)mer deen van desen soude(n) ae(n)verde(n)/ en(de) schuldich zijn te aenverden(e) Dairop de voirs(creven) jan hem/ v(er)antwerden(de) seyde dat waer was dat de voirs(creven) putte en(de)/ onderslage getekent en(de) geset ware(n) geweest maer dair nae/ hadde hij den lantmete(r) op tvoirs(creven) erve gehadt ende daer/ was bevonde(n) dat de voirs(creven) lantmete(r) in zijn mete(n) v(er)doelt/ was geweest en(de) h alsoe hadde hijt hermete(n) en(de) d(aer)op/ putte(n) gemaect ende teken(en) gheset d(aer)op dat gevreedt soude/ werde(n) en(de) daer op hadt de selve jan gevreedt Hopen(de) dat/ hij in zijne(n) scepen(en) brieve(n) blive(n) soude te voird(er) want de/ voirs(creven) roelof al en was hij bij dleste mete(n) niet hij hadde/ geseecht dat hij te vreden wae(r) datment h(er)mate ende/ d(aer) hadde oick zijn meye(r) bijgeweest Jegen dwelc de voirs(creven)/ roelof wederom replice(re)nde seyde dat nader ke(n)nisse(n) des voirs(creven)/ jans die hij dede tvoirs(creven) hermete(n) en(de) herteken(en) ne(m)m(er)meer/ van weerden zijn en soude want al mocht zijn meye(r) d(aer)/ bij geweest zijn die en conste hem zijn erve niet v(er)liese(n)/ en(de) al mocht hij geseecht hebbe(n) dat hij te vrede(n) wae(r) datme(n)t/ h(er)mate dat soude geweest hebbe(n) soe dat behoirde en(de) he(m) p(rese)nt/ oft e(m)mer d(aer)toe gedaecht zijnde conclude(re)nde als voe(r) Soe/ wert hier op bijden rade vand(er) stadt p(ar)tien al int lange/ gehoirt overdragen get(er)mineert en(de) p(ar)tien uuytgesproken
//
voe(r) reden(en) ende recht oft de voirscr(even) jan niet aen en name/ des voirs(creven) roelofs p(rese)ntacien datmen dan de voirs(creven) goede/ herdeylen soude met rechte nae tkynne(n) dat de selve/ jan gekint hadde p(rese)nt(ibus) roelants tybe burg(imagistr)[is] m(ar)tii ix