Allen den ghenen (et)c(etera) doen cond en(de) te wete(n) dat opden dach van heden datu(m)/ van desen voir ons come(n) es in prope(re)n p(er)sone lijsbeth van cuckelberghe/ weduwe henricx wilen vranx ende heeft geconstitueert gesedt volcome(n)/ macht p(ro)cu(ra)cie en(de) auctoriteit geg(even) henricke straesborch van byncke(m) alle/ huer saken questien en(de) gescillen die sij tegewoirdichlic uutstaenhebt/ heeft oft namaels hebbe(n) soude moig(en) tegen wien dat zij alsoe wael teg(en)/ huer kinde(re) en(de) behuwede sone(n) oft dochte(re)n hue(r) actie en(de) recht van hue(re)r/ tocht die zij sculdich es te hebben naden lantrechte inde goede gebleve(n) nae/ huers mans doot als alle ande(r) voir wat gericht gheestelic oft weerlic
//
dat dat zij alle hue(r) jairgulde(n) sculden opcomi(n)g(en) p(ro)fite(n) v(er)valle(n) goeden/ beruerlic en(de) omberuerlic chijsen rinte(n) erffpachte(n) die zij heeft oft hebbe(n)/ sal moige(n) oft die huer naemaels toecome(n) versterve(n) oft verschinen/ selen moig(en) Te verwaren te mane(n) teysschen optebue(re)n te ontfang(en)/ d(aer) voe(r) te panden te daig(en) te beleiden rasteme(n)te te doen leggen die/ met rechte texeque(re)n te v(er)volg(en) te vorde(re)n alle scepen(en) br(ieve) met rechte/ te vo(n)nissen en(de) vordering(en) d(aer) af te neme(n) (et)c(etera) Ende ofts noot gebuerde/ in meliori for(ma) allet des vors(creven) steet te wynne(n) en(de) te verliesen die sake(n)/ bij beroepe oft appellacie(n) te moig(en) v(er)volg(en) componen(di) et quitan(ciam) dan(di)/ cete(r)aq(ue) Promitt(ens) rat(um) salvo iusto calculo sept(embris) t(er)cia