SAL7364, Akte: V°182.2 (347 van 581)
Akte V°182.2
Act
Datum: 1471-01-26
Transcriptie
2017-12-17 door kristiaan magnusIt(em) de voirs(creven) jacop mach hem hier mede doen beleyden alst/
hem gelieft tot alle(n) de(n) goede(n) have en(de) erve des voirs(creven) henr(ix)/
om dair mede altijt na den rechte te bescudden en(de) te v(er)antwerde(n)/
de goede Waert oec dat de voirs(creven) henric van nederhe(m) van nu/
voirtaen jaerlijcx niet en loste costeloes en(de) costeloes des voirs(creven)/
jacops goede van dien twee m(ud)[d(en)] corens diest(er)sche mate erfs/
pachts die reyne(r) waelweyns op des voirs(creven) jacops goede te/
beckevoirt heffende is te wete(n) aent panhuys op de cruysst(ra)te/
gelege(n) dat he(m) dan de voirs(creven) jacop met desen brieve(n) hulpe(n)/
soude moege(n) om alle alsulken last metten p(ri)ncipale(n) pachte/
aende goede des voirs(creven) henr(ix) te verhalen En(de) de voirscr(even)/
henr(ic) heeft toegeseecht en(de) gesekert in eedstad dat hij/
gheen scepen(en) brieve va(n) loeven(en) bruessel noch ande(r) gemaect/
en heeft noch make(n) en sal d(aer) mede de(n) voirs(creven) jacoppe/
e(n)nige(n) hynder soude moege(n) worden gedaen in des voirs(creven)/
steet cor(am) eisd(em)
Nagekeken door: Chris Picard
Moderator: Chris Picard
Laatste update:: 2016-08-16 door Jos Jonckheer