Allen den ghene(n) die dese l(ette)ren selen sien oft hoiren lesen/ burg(er)meeste(re)n scepen(en) en(de) raid der stad va(n) loeven(en) saluit/ Doen te weten dat opden dach van heden datum van desen/ voir ons comen zijn in p(ro)pren p(er)sone gielijs en(de) augustijn van/ coelen(en) gebruederen en(de) jan van hove van bethekem hue(r) zwagh(er)/ dien bijd(er) aflivicheit jans wilen de costere aengestorven is/ eenen rijd(er) te xxv st(uvers) erfliker rinte(n) vallen(de) alle jare opden/ achtsten dach van m(er)te die de voirs(creven) wilen jan de coste(re) hadde/ met scepen(en) brieve(n) van loeven(en) vander daten xiiii[c] liiii viii/ m(ar)tii aen en(de) op de eygen goede h(ier) na bescreve(n) henr(ix) wijlen/ van dyon Inden yersten op i(½) dach(mael) eygens lants gelegen te/ winxele opt broecvelt tusscen den goeden der cap(it)len van s(in)te/ pet(er)s te loeven(en) in deen zijde en(de) den goeden der kijnde(re)n jans/ wasscaerts in dande(r) It(em) op iii vierdel eygens lants gelege(n)/ op tselve velt tusscen den goede(n) des cloest(er)s van s(in)te g(er)trud(en)/ te loeven(en) in deen zijde en(de) de jouffr(ouw) keyenoeghs in dande(r)/ Ende op (½) dach(mael) eygens lants gelegen op dijsputte tussce(n)/ de(n) goeden he(re)n gorts de welde priest(er)s in deen zijde en(de)/ henr(icke) vander calste(re)n in dande(r) En(de) hebben geconstitueert/ gesedt volcomen macht p(ro)cu(ra)cie en(de) auc(tori)teyt gegeve(n) willem(me)/ van leefdale den voirs(creven) rijd(er) erflijc Te verwaren te mane(n) teyssce(n)/ op te bue(re)n en(de) tontfange(n) dair voir te dage(n) te panden raste/ mente te doen leggen (et)c(etera) in mel(iori) for(ma) p(ro)mitt(entes) ratu(m) salvo/ iusto calculo febr(uarii) ult(ima)