Item cornelis van woelmont lucas sone woenen(de) te/ steynhockesele in p(rese)ncia heeft genomen teghen janne/ van eyken een half dachmale lants gelegen thum/ bleghem neve(n) dbosch aen tsveschschers wech om/ te houden en(de) te hebben van ons(er) liev(er) vruwen dach half/ oeghste naestcomen(de) eene(n) t(er)mijn van negen jae(re)n/ lanc vervolgen(de) om uuten selven lande te meyne(re)/ en(de) uut te grave(n) bynne(n) den selven middelen tijde alle/ steene die hij sal conne(n) en(de) moghen Dair voir/ hij den selven janne [betalen sal] nu tons(er) liev(er) vruwen daghe/ nativitas naestcomen(de) twee r(yns) gul(den) te xx st(uvers) tstuc en(de)/ ii halste(re)n rox d(er) maten va(n) lov(en) wel bereit It(em) iiii r(yns) gul(den)/ en(de) ii halst(er) rox over een jair d(aer) na iiii r(yns) gul(den) en(de)/ ii halster rox ov(er) een jair d(aer) na vervolgen(de) en(de) iiii r(yns)/ gul(den) ten prise als voir en(de) ii halst(er) rox bynne(n) eene(n)/ jare dat d(aer) na vervolgen sal en(de) also [van dan] vortaen/ alle jare twee halst(ere)n rox d(er) mate(n) vors(creven) en(de) niet meer/ ten vors(creven) valdage te betalen [den vors(creven) t(er)mijn lanc due(re)nde] den vors(creven) janne quolib(et)/ ass(ecutu)[m] En(de) is vorweerde dat de vors(creven) cornelis/ ten lesten jare tvors(creven) lant leggen sal en(de) vullen dat/ me(n) dat sal mogen wynne(n) en(de) men van geliken bove(n)/ en(de) beneden gewoenlic is van doene sond(er) argelist/ behoudelic dat de vors(creven) cornelis inde vors(creven) ii yerste halste(re)n/ rox niet gehouden en sal zijn te betalen dan van half/ oeghst ov(er) een jair [en(de)] niet eer En(de) dese voirs(creven) vorwerd(en) cor(am)/ abs(oloens) vos julii xx