Item vander questien die geweest is voir den raide vand(er)/ stat tusschen janne le stache in deen zijde en(de) den pitanchir/ des godshuys van florivail floref in dande(r) als van seke(re)n/ landen die de vors(creven) jan le stache anderwilen genomen hadde/ tegen eenen geheten jan de bouvines procur(eur) en(de) scaffene(r)/ des vors(creven) godshuys die den vors(creven) janne le stache eenen/ termijn van xi jae(re)n uutgegeven hadde voir eene so(m)me va(n)/ sesse mudden corens mate van gemblours Seggende dat/ de vors(creven) jan de bouvines des gemechticht was en(de) van/ geliken dagelix dede van ande(re)n goeden en(de) aen ande(r) p(er)sone(n)/ de(n) selve(n) godshuyse toebehoe(re)nde en(de) dat navolgende desen/ en(de) eer de vors(creven) jan le stache zijn hande slaen woude aende/ vors(creven) goede en(de) tot meerd(er) vesticheit en(de) zekerheit gecomen/ was aenden pytanchier en(de) ter p(rese)ncien vanden vors(creven) janne de/ bouvines aldair verhalen(de) hoe dat hij de voirs(creven) goede genomen/ hadde en(de) also begheerde hij tconsent en(de) dbelieven des selfs/ die hem aldair de vors(creven) pytanchir consenteerde en(de) wille/ corde tvoirs(creven) nemen ind(er) manie(re)n voirs(creven) P(rese)nte(re)nde de voirscr(even)/ pechtinghe te thoenen oft ten uut(er)sten den eedt den vors(creven)/ pytanchir te deylen dat hij de voirs(creven) pechtinghe alsoe/ ghewillecoirt en(de) geconsenteert hadde hopen(de) dair/ mede te gestaen Dair op de voirs(creven) pytanchir hem v(er)antwerden(de)/ seide dat al wart zoe geweest dat de voirs(creven) van bouvines/ yet dair af gedaen hadde dair en stoet hij hem niet ane/ Ende als vanden eede die hij deylde seide hij dat hij
//
dien niet sculdich en wae(re) noch en mocht doen sonder/ consent van zijnen oversten en(de) woude de voirscr(even)/ jan le stache yet hebben zoe p(rese)nteerde hij te comen/ voir sijnen conservateur Also dat ten uut(er)sten/ bij overgheven van beide den p(ar)tien gededingt wert/ dat de voirs(creven) pytanchir hem bespreke soude metten abt/ en(de) convent en(de) dat de vors(creven) jan le stache bynnen middelen/ tijde den vors(creven) goeden hue(r) proffijt sal mogen doen die/ wynnen en(de) werven zo dat behoirt en(de) zo v(er)re die/ voirs(creven) goede hem niet en bleve(n) sijnen t(er)mijn voirs(creven)/ metter mynnen oft metten rechte zo sal de voirscr(even)/ jan le stache hebben zijn pijne en(de) arbeit en(de) ploegh/ recht ter taxacien van eertwynnen ter plaetsen ald(aer)/ actum in pleno consilio m(ar)tii xx