Wij borg(er)meeste(re)n scepen(en) en(de) raid der stat van loeven(en) doen cond en(de) te weten/ allen den ghenen die dese l(ette)ren selen sien oft hoe(re)n lesen ende besundert den/ eerbe(re)n en(de) besceiden(en) onsen ze(er) geminden vrinden den bailiu borg(er)meest(ere)n/ scepen(en) en(de) raide der goeder stede vand(er) sluys oft ande(re)n ald(air) voir die/ welke die nabescrev(en) saken sculdich sijn verhandelt en(de) behoe(re)n na recht/ te gescien ende verhandelt te wordden Dat opden dach van heden/ datum van desen voir ons comen sijn in prope(re)n p(er)sone willem en(de)/ cornelie de langhe wettighe kinde(re) willems wijlen de lange ende/ hebben samentlic en(de) besundert bij hue(re)r rechter wetenh(eit) en(de) ombedwong(en)/ inder bester vueg(en) formen en(de) manie(re)n zij dit best mochten en(de) conden/ gedoen gemechticht en(de) volcomen p(ro)curacie en(de) auctoriteit zond(er) e(n)nich/ wed(er)roepe(n) oft wed(er)segge(n) d(aer) inne nu oft naemaels te mog(en) doen/ gegeve(n) mathijse van beffe(re)n bringe(r) van des(er) om van hue(re)n weg(en)/ en(de) in hue(re)n name te v(er)coepen alle alsulk(en) erflik en(de) omberuerlik/ goed hoedanich die sijn oft met wat name(n) die genoemt sijn/ die hen toecomen zijn oft die zij houden bij en(de) vand(er) doot vand(en) voirs(creven)/ wijlen wille(m)me de langhe en(de) van katlijnen sijnen wive hue(re)n vader/ en(de) moeder en(de) van henneken pet(er)ken en(de) adriaenk(en) hue(re)n bruede(re)n en(de)/ namelic en(de) besundert alsuk(en) erve van huyse en(de) hove met alden/ toebehoorten als geleg(en) es binne(n) der stat vand(er) sluys opde(n) hoec/ van s(in)[te] pauwels strate(n) dair de vors(creven) will wilen wille(m) de lange
//
en(de) zijn wijf inne te woene(n) plaigen en(de) d(aer) zij beide deen voe(r) en(de) dand(er)/ nae uut gestorve(n) sijn Alle opdrachte v(er)thidenesse en(de) behoirlike gued(ingen)/ en(de) vestich(eit) vand(en) selve(n) goeden den coep(er)en van dien en(de) van elken p(or)ceele/ besundert namelic van de(n) voe(r) gespecificeerde(n) goede(n) nae recht te doene de(n)/[coep(er)en van dien] voir alle gerichten en(de) wethoude(re)n dair dat dienen oft behoeven sal mogen/ in alle de vuegen en(de) manie(re)n al eest in absencien van hen oft zij tege/ woirdich selve wae(re)n en(de) de opdrachten verthideness(en) en(de) gueding(en) selve/ deden Consente(re)nde dat de selve mathijs de pe(n)ning(en) vand(en) selve(n) v(er)cochte(n)/ goeden opbue(re) en(de) ontfanghe quitan(cie) d(aer) af gheve in al der maten zij/ selve souden moigen doen Geloven(de) voir hen hue(re)n oiren erve(n) ende/ nacomeling(en) alle die selve gueding(en) en(de) gesciedeness(en) die h(ier) inne/ oft in eenich van desen gebue(re)n bijden vors(creven) mathise gebue(re)n selen/ totten coep(er)en behoif teeuwig(en) daigen voir goet en(de) van weerden te/ houden en(de) d(aer) tegen ne(m)mermeer nyet te doene noch te beg(ri)pen voer/ gheen gerichte gheestelic noch weerlic in gheenre wijs Mair/ van al tgene des de vors(creven) mathijs h(ier) inne gedaen sal hebben/ altijt warant [te] sijne ende te bliven tegen eene(n)yegelik(en) ende op hen/ te nemen en(de) dair toe alsoe te v(er)vaene alle de ghene van hue(re)n/ bruede(re)n vors(creven) ofter eenighe leven(de) wae(re)n desmen niet bevinde(n) en sal/ die hen d(aer) aen naemaels rechts soude(n) moig(en) v(er)meten dat sij dese/ selve gued(inge) opdrachten en(de) betaling(en) van weerden hauden selen/ en(de) approbe(re)n en(de) alle borgen en(de) voochden die h(ier) vo(r)e te laste/ staen moig(en) d(aer) af costeloes ontheffen alsoe dat den selve(n) coep(ere)n/ en(de) hue(re)n erfgenamen en(de) nacomeling(en) tot eeuwig(en) daig(en) vast/ en(de) seker sal moig(en) wesen cor(am) borg(imagistro) scab(inis) et (con)s(ilio) op(idi) lov(aniensis) junii vi