Item her jan van sinte gorix ridde(r) wettich sone he(re)n claes va(n)/ sinte goericx ridd(er) in p(rese)ncia heeft gekint ende gelijdt/ met consente des voirs(creven) he(re)n claes zijns vaders wel en(de) wet/ telijc vercocht te hebben jorise de hont sone wile(n) symoens/ voir eene zeke(r) so(m)me van ghelde hem wel v(er)nuecht en(de) betaelt/ zijnde alsoe hij seyde alsulken lxxxi ov(er)lensche rijnsche guld(en) d(er)/ mu(n)ten der vier coirvorsten voir djaer van lviii lestlede gemu(n)t/ ende geslagen dair af de lxxii int gewichte sculdich zijn te/ houden een troyssche marck Te weten xx silve(re)n pe(n)ni(n)ge(n) ph(ilipp)us/ gehete(n) vierlanders oft stuv(er)s der mu(n)te(n) ons gened(ichs) he(re)n ts(er)toge(n)/ van bourg(oig)[ne(n)] va(n) braba(n)t (et)c(etera) in e(n)nich van ons voirs(creven) gened(ichs) he(re)n/ vier landen als braba(n)t vlaende(re)n henegouwe oft hollant voir/ djaer xiiii[c] en(de) vijftich gemunt oft geslage(n) oft de w(er)de dair af/ in ande(re)n goeden ghelde voir elke(n) r(yns) guld(en) gerekent als de/ selve h(er) jan van sinte goericx op den xix[te(n)] dach van m(er)te/ anno xiiii[c] lviii cochte en(de) gecreech jege(n) de(n) edele(n) ende
//
moegen(de) he(re)n janne hee(re) van berghe(n) opden zoom en(de) van glymes/ ridde(r) vallende deen helcht dair af op den yerste(n) dach van oct(obri)/ en(de) dander helicht op den yerste(n) dach van aprille op cost last/ ende avontue(r) des voirs(creven) he(re)n van berghe(n) aen en(de) op de goede/ ende pande na bescr(even) Te wete(n) de stad en(de) lant van berghe(n)/ opden zoom thuys en(de) tdorp van woude mette(n) heerlich(eit) ende/ gerichten hoeghe middele ende leeghe mette(n) huysen hove(n) wy(n)nen(de)/ lande(n) bempde(n) eeussele(n) bossche(n) wouweren wate(re)n moelen(en) warand(en)/ vochelryen visscherie(n) chijsen rente(n) manscape(n) laetscape(n) koere(n)/ broeken fourfayte(n) opcomi(n)gen proffite(n) v(er)vallen en(de) alle(n) ande(re)n/ hue(re)n toebehoirte(n) It(em) op dlant slot en(de) dorp van glymes mette(n)/ h(er)licheide(n) rente(n) chijsen huysen hove(n) wynnen(de) landen bempden/ eussele(n) bossche(n) wouwere(n) wate(re)n moelen(en) ende allen ande(re)n hue(re)n/ toebehoirte(n) gelijc de voirs(creven) he(re)n van berghe(n) die selve goede en(de)/ h(er)lich(eiden) van onsen voirs(creven) gened(ichen) hee(re) als h(er)toge van brabant te/ leene houden(de) is ende zijn leenboeke van brab(an)t clairlik(er) inhoud(en)/ ende beg(ri)pen Ende voirt op alrehande ande(r) vorwerde(n) en(de) (con)d(icien)/ gelijc de oepen(en) brieve onss voirs(creven) wile(n) ge(ne)[d(ichs)] he(re)n met zijne(n)/ ende zijnre manne(n) va(n) leene zegele(n) bezegelt vand(er) date(n) xiiii[c]/ lviii martii xix dat begrepe(n) hebbe(n) En(de) de voirs(creven) her jan/ heeft gelooft oftme(n) bevonde dat hij de voirs(creven) rente e(n)nichssins/ v(er)cocht oft in testam(en)te huweliker vorwerde(n) oft anders belast/ hadde dat hij d(aer) af sculdich sal zijn inne te stane prout vos/ wynge junii sexta