Allen den ghenen (et)c(etera) doen cond en(de) te weten dat opde(n) dach van heden/ datum van desen voir ons come(n) es in prope(re)n p(er)sone joncfr(ouwe) katlijne wed(uwe)/ besuts wilen van besuts cu(m) tutore ende heeft geconstitueert gesedt volcome(n)/ macht p(ro)cu(ra)cie en(de) auctoriteit gegeve(n) anthonise en(de) janne besuts gebrued(ere)/ natuerlike kinde(re) des vors(creven) wilen besuts aut alt(eru)m Alle alsulk(er) saken questie(n)/ en(de) gescillen als de selve weduwe uutstaen(de) heeft oft hebben soude moigen/ in toecomen(de) tiden teghen de weduwe joes wilen absoloens en(de) meester/ felix den hont aengaen(de) der borchtocht vanden wissele bartelmeeus/ wilen alfer en(de) der hantering(en) ende bewinde dat de selve weduwe absoloe(n)s/ en(de) meest(er) felix oft eenich van hen gehadt moig(en) hebben vande(n) goede(n)/ pe(n)ning(en) oft sculden die in hue(re)n hande(n) oft ande(re)n in hue(re)n name gecome(n)/ moig(en) sijn totter ontlasting(en) vand(en) vors(creven) borchtocht en(de) des e(n)nighen van/ dien aencleve(n) mach nae uutwisen van zeke(re)n acten d(aer) op gepasseert/ bide(n) (com)missar(is) m(ijns) gened(ichs) he(re)n en(de) den wethoude(re)n der stat van loeven(e)/ Te verwaren te vervolghen te beleiden texeque(re)n te bedinghen te/ vorde(re)n teghen alle de ghene die voirs(creven) weduwe absoloens en(de) meest(er)/ felix en(de) voort alle ande(re) dair des te doen sijn soude en(de) tallen plaetse(n)/ dairs noot wesen mochte Ende ofts noot gebuerde voir alle gerichte(n)/ gheestelic en(de) weerlic alle de vors(creven) saken met rechte te (con)teste(re)n te/ decline(re)n texcipie(re)n te re(con)venie(re)n te v(er)antweerden te bescudden alle gescrifte(n)/ en(de) libelle(n) over te gheve(n) en(de) te neme(n) te replice(re)n (et)c(etera) in meliori for(ma)/ Allet des vors(creven) steet te wynne(n) en(de) te v(er)liese(n) composicie En(de) voirt g(e)n(er)alic/ P(ro)mitt(ens) rat(um) salvo iusto calculo aug(usti) iii