Achtervolgen(de) der submissien xi septembr(is) lestleden voir scepen(en) van/ loeven(en) gepasseert tusscen he(re)n janne vand(en) huffle canonic regulier/ des goidshuys vanden roeden cloeste(r) nu ter tijt pater des goidshuys/ van sinte barbelen dale te thienen inden name vand(en) selve(n) goidsh(uys)/ in deen zijde ende fersta ferstrarde malquar in dande(r) vande(n) gescille(n)/ die tusschen hen waren dair af zij hen gedroegen inde eendrechtige/ uutsprake arnoldi kyp ende gerard(i) van baussele secretar(issen) der stat/ van loeven(en) Soe hebben de selve op heden en(de) in tiden zij dat v(er)mochte(n)/ nae begrijp der voirs(creven) submissien met believe(n) en(de) (con)sente vand(en) voirs(creven)/ p(ar)tien gedaen hue(r) uutsprake inder vuegen hier nae verclaert/ Te weten yerst dat tvoirs(creven) goidshuys der goede die wae(re)n des/ voirs(creven) ferstrarts dair inne dat tvors(creven) goidsh(uys) van sint barbele(n) dale/ gegoidt ende gheerft es voir hof ende hee(r) te linsham dair die/ sijn geleg(en) van nu voirtane peyslic sal gebruycken sonder/ dat de selve ferstrart zijn oir oft erfgename(n) hen d(aer) inne e(n)nich/ belet oft ongebruyc selen moig(en) doen in e(n)nig(er) wijs It(em) alse/ vand(en) halven boende(r) lants geleg(en) te remy fosse sur le mont/ de halley tusscen derfgenamen jans wijlen malquar en(de) des/ goidshuys van lynte(r) Desgelix van v(½) roede(n) lants die de vors(creven)/ ferstrart meynde dat hem souden volgen bij dien dat de geheele/ goede meer gedroegen inder maten dan tgoidshuys gecreghen/ soude hebben d(aer) af tgoidshuys meynde de (contra)rie Es hue(r) uutsp(ra)ke/ dat tselve half boender metten overschote vand(en) voirs(creven) v(½) roede(n)/ den voirs(creven) goidsh(uys) mits machte der voirs(creven) gueding(en) blive(n) ende/ volghen sal zonder dat de voirs(creven) ferstrart oft de sijne d(aer) inne/ namaels e(n)nich belet selen moig(en) doen Ende des sal ferstrart/ behouden alsulken vruchten alse hij toechste int jair van lxix/ vanden voirs(creven) halve(n) boende(r) getog(en) heeft sond(er) d(aer) af e(n)nige restitucie/ te doene Item alse vanden halven mudde rox thiensche dat/ de heiligheest van linsham heeft op tvors(creven) half boender erflic/ bove(n) den co(m)mer d(aer) op de vors(creven) ferstrart tselve half boend(er) den/ goidshuyse gewarandeert heeft ende oic op een dach(mael) lants den/ vors(creven) ferstrarde noch toebehoiren(de) geleg(en) te linsham ter plaetsen
//
geheeten nyechamo(n)t naest den goeden wouters van meenche Es/ hue(r) uutsprake dat de voirs(creven) ferstrart ende denijs sijn sone nu/ buyten lants sijnde dien hij hier inne vervanct tvoirs(creven) goidshuys/ goeden ende erven selen bynne(n) eenen jaire naistcomen(de) int vors(creven)/ dach(mael) lants ond(er)pand wesen(de) Ende dat warande(re)n opde(n) he(re)n chijs/ sonder meer co(m)mers ende dat mits dien tvors(creven) goidsh(uys) den last/ vand(en) vors(creven) halven mudde cor(ens) ewel eeuwelic sal blive(n) dragen(e)/ aenveerden(de) d(aer) op van nu voirtane tvoirscr(even) dach(mael) lants/ sonder den voirs(creven) ferstrarde mits den voirs(creven) wairschape als/ van dien halve(n) mudde corens te moig(en) pramen It(em) alse van/ co(m)me(r) die de vors(creven) pater seecht dat de hee(r) van chanterain/ en(de) m(ijn) vrouwe vand(er) rameyen op e(n)nige vand(en) vors(creven) goeden/ soude(n) meynen te hebben boven de wairscap hen gedaen es/ hue(r) uutsprake soe wanneer dat blijken sal oft e(n)nig(en) ande(re)n/ last opde vors(creven) goede staen(de) boven den v(er)claerden co(m)mer ind(er)/ wairscap vand(en) goidsh(uys) alsoe dat tgoidsh(uys) d(aer) inne soude moig(en)/ sijn gepraemt dat de vors(creven) ferstrart en(de) sijn sone dat/ gehoude(n) selen zijn den vors(creven) goidsh(uys) af te doene Ende hier/ mede sullen de selve p(ar)tien vand(en) vors(creven) pointe(n) beslicht en(de)/ v(er)eenicht zijn sonder uut ocsuyne van dien deen dande(r) e(n)nige/ moeytte te doene vos wynghe septembr(is) xxv