Item d(omi)n(u)s symon taverniers pr(es)b(yte)r filius l(egi)timus yngelberti/ taverniers maria et kath(ar)ina taverniers sorores d(i)c(t)i d(omi)ni/ symonis p(ri)us emancip(ate) d(i)c(t)i yngelberti eoru(m) p(at)ris cum/ tutoribus necnon johannes mo(m)mart pro se ac m(ar)gr(e)[ta]/ eius uxore in p(rese)ncia recognoverunt expresse de consensu/ scitu interesse et voluntate eiusdem yngelberti eoru(m) p(at)ris
//
gevallen zijnde janne taverniers [p(ri)us emancip(ato)] brued(er) d(er) vorscr(even)/ gebrueder en(de) suste(re)n in zijn deylinge in zijn deylinge/ die goede en(de) erfchijse hier na bescreven Te weten(e)/ inden yersten twee ryns guld(en) erflic aen en(de) op/ een stuc bosch houden(de) twee boender oft d(air) omtrent/ gelegen te nosseghem peters van nosseghem tussche(n)/ de goede willems van ophem en(de) he(re)n jans vand(er)/ meren ridders Item een huys en(de) hoff metten/ bogarde en(de) allen ande(re)n toebehoirten gelegen tsaventhe(n)/ te nederwoeluwe tusschen den goeden gielis wilen/ vand(er) beke en(de) de strate gaende van saventhen te/ dyedegheem weert Item eenen viver houden(de)/ een boend(er) dachmale oft d(air) omtrent gelegen te/ loenbeke tusschen de strate aldair en(de) den goeden/ jans ylckarts en(de) naest den goeden lodewijcx roelofs/ Item alsulken hondert ryns guld(en) als jan vand(er)/ meren sone wilen elegas vand(er) meren gesedt/ heeft opden wissel te bruessel uut saken vand(er)/ ca(m)men metter toebehoirten gelegen te humblege(m)/ aenden wech gaende van loven(en) te vilvorden weert/ en(de) de nederstrate gaende van humleghem te/ campenhout die de vors(creven) yngelbert met wilen/ katlijnen zijnen wijve vernaerdert hadde en(de)/ de vors(creven) jan vand(er) meren d(air) na vernaerderde/ Item een half boend(er) lants gelegen te humleghem/ achter de kercke dair eene strate doir gaet ende/ oic eenen voetpat Ende heeft gekint de/ voirs(creven) jan tavernier dat hij met des voirs(creven) steet/ uutgecocht is en(de) uutbliven moet nade doot van/ zijnen voirs(creven) vader van have en(de) erve die hem/ bleven zijn nad(er) voirs(creven) zijnder moeder doet en(de)/ die hem bliven zullen na zijnen vad(er) dair af/ met desen behoirlijc verthiden(de) [ad op(us) ei(us)] behoudelic altijt/ den vors(creven) yngelbeerde den vader inde voirs(creven) goede/ zijn tocht cor(am) meldert berthem januarii xv
//
Item de voirs(creven) jan taverniers marie en(de) katlijne met hue(re)n mo(m)boirs/ en(de) jan mo(m)marts man en(de) mo(m)boir margriete(n) taverniers zijns/ wijfs absent sijnde die hij tot desen gelooft heeft te v(er)vange(n)/ in p(rese)ncia hebben met consente vand(en) vors(creven) yngelberd(en) hue(re)n/ vader gekint en(de) gelijdt dat den vors(creven) he(re)n symone gebleve(n)/ en(de) gevallen zijn in sijn deylinge acht ryns guld(en) te xx st(uvers)/ tstuc erfrenten vallen(de) jairlix deen helicht te kersmesse en(de)/ and(er) helicht tsint jansmesse aen en(de) op vi dachmale lants/ eeusels gelegen te humleghem aende nederstrate neve(n)/ de goede gorts vleeschouwere Item aen en(de) op een huys en(de)/ hof met den lande dair aen gelegen houden(de) omtrent een/ boend(er) tusschen den goeden gorts de vleeschouwe(re) en(de) de/ nederstrate dair af dierste betalinge innegaen sal ten yerste(n)/ t(er)mijne nade doot vand(en) vors(creven) hue(re)n vader Met condicien/ en(de) vorweerden datmen de vors(creven) rente sal mogen lossen/ en(de) quiten wanneer dat hen gelieft mair niet myn dan twee/ ryns gul(den) tot eene(n) male ten yersten male en(de) dand(er)/ sesse met ii r(yns) gul(den) smaels en(de) elcken pe(n)ninc [d(air) af] met xviii d(enieren)/ en(de) met vollen chijse En(de) heeft gekint [en(de)] gelijdt de vors(creven)/ her symoen renu(n)cians p(ri)vileg(iis) dat hij metten vors(creven)/ viii r(yns) gul(den) erflic uutgecocht is en(de) uutbliven moet/ nade doet van zijnen vader van allen den goeden have/ en(de) erve die bleven zijn nad(er) vors(creven) zijnd(er) moeder doet/ en(de) die hem bliven zullen na hue(re)n [sijnen] vors(creven) vad(er) doet dair/ af met desen behoirlic verthiden(de) behoudelic altijt/ den vader inde vors(creven) goede zijn tocht eisd(em)