Vander questien die geweest is tusscen janne van nype sone wilen/ henricx en(de) katlijne(n) huens zijn wijf woenende inde p(ro)chie va(n)/ herent in deen zijde gh(er)de de moer met marie(n) huens zijne(n)/ wive en(de) ka(tlij)[ne] weduwe lodewijcx wilen huens moeder der/ voirs(creven) marie(n) in dande(re) alse van iii dach(mael) ende i(½) dach(mael) lants gelege(n)/ opde(n) bocking inde p(ro)chie va(n) werchte(r) en(de) i(½) dach(mael) lants gelege(n)/ op tcleyn keystervelt die beyde den p(ar)tie(n) gelijc toebehoire(n)/ en(de) des d(air) aen cleeft Sijn de voirs(creven) p(ar)tien mynlijc eens worde(n)/ ende ov(er)comen des h(ier) na volcht dat zij malcande(re)n gelooft hebben/ voir hen hue(re)n erve(n) en(de) nacomelingen vast en(de) gestentich tond(er)/ houde(n) Te wete(n) dat zij alle laste van chise van p(er)tkoe(r) die/ d(air) op zijn oft come(n) moege(n) voirtane te gelike drage(n) en(de)/ betale(n) selen en(de) oft e(n)nich van hen bij gebreke des and(er)s tot/ enige(n) [tiden] nacomen(de) belast worde bij gebreke des soe hebbe(n) zij/ ov(er)gegeve(n) dat de ghene wel betalende alle(n) zijne(n) last sal/ moege(n) verhale(n) op de(n) gebreckelike(n) en(de) zijn goede en(de) elc va(n) hen/ sal blive(n) liggen(de) d(air) hij tot noch gelege(n) heeft cor(am) blancart maes/ ja(nuarii) xx