It(em) gherard de smet van opgeldenake sone wijlen jans le mariscal in/ p(rese)ncia heeft genomen en(de) bekint dat hij genomen heeft van joese/ van caverchon als p(ro)cur(eur) en(de) inden nai name des goidsh(uys) van vrouwe(n)/ p(er)cke alle de goede desselfs goidshuys te opgeldenake geleg(en) soe v(er)re/ jan le mariscal brued(er) des selfs wynne(n) die tot heer toe gehouden/ heeft en(de) noch houdt in landen beemde(n) weyen en(de) den toebehorte(n)/ Te houden te hebben en(de) te wynnen van nae duytgaen van des/ vors(creven) jans t(er)mijne eenen t(er)mijn van tweelf jae(re)n lang v(er)volgen(de)/ elx jairs dae(re)nbinne(n) om en(de) voe(r) xv mudde(n) cor(ens) goet en(de) payabel/ wel bereyt met wa(n)ne en(de) vlogele d(er) mate(n) van loven(en) alsulcx als/ vand(en) selve(n) goede(n) jairlix come(n) sal jairlix sint andr(ies) apostels/ te betale(n) en(de) tot hue(re)n huys topgeldenake te leve(re)n jairlix de/ m(ijn) vrouwe(n) des voirs(creven) godsh(uys) oft den p(ro)cur(eur) des selfs de(n) vors(creven) t(er)mijn/ due(re)nde q(u)[o]l(ibet) ass(ecutu)[m] Met vorweerde(n) dat de vors(creven) wynne den leste(n)/ art vand(en) t(er)mijne vors(creven) sal late(n) gemest besaeyt [en(de)] gewonne(n) wel/ en(de) loflic gelijc reengenote(n) bove(n) en(de) benede(n) en(de) dat hij sette(n) en(de)/ plante(n) sal alle jae(re) opt vors(creven) goet vijftich [leven(de)] poote(n) ten meeste(n)/ p(ro)fite d(er) selver goide Ingeslix sal hij jairlix heymen en(de) v(er)make(n)/ de vors(creven) goede en(de) sund(er)linge m(ijns) vrouwe(n) bossche wel en(de) loflic/ en(de) thout deurne(n) en(de) breeme(n) tot dien behoeven(de) halen opt vors(creven)/ goet t(er) mynst(er) schaden al sond(er) afslach van des vors(creven) steet Oic/ en sal de wynne op de bossche(n) gheen beeste(n) moge(n) doen oft/ laten gaen voir de spruyte(n) drie jair al uut out selen sijn/ en(de) die alsoe verware(n) voir ander liede beeste(n) dat zij d(air) aen oec/ gheen scade en doen Ende dese vorweerden Oec sal hij de vors(creven)/ goede alle jae(re) sijne(n) vors(creven) t(er)mijn due(re)nde wynne(n) werve(n) en(de) meste(n) wel/ en(de) loflic gelic reengenote(n) bove(n) en(de) benede(n) ende dese vorweerd(en) cor(am)/ b(er)the(m) dor(ma)le feb(ruarii) x