Allen den ghenen die dese l(ette)ren sullen sien oft horen/ burgermeeste(re)n scepen(en) en(de) raide der stat van loven(en) saluyt/ Doen cont en(de) te weten(e) dat opden dach datum van desen/ voir ons comen is bertelmeeus vander bauwetten/ woenen(de) inde prochie van wave(r) en(de) heeft geconstitueert/ gesedt volcomen macht procuracie en(de) auctoriteit gegeve(n)/ reyne(re)n vand(er) bauwetten sijnen wettigen sone in desen/ te voren uuten broede van zijnen voirs(creven) vader met behoirliker/ manie(re)n gedaen alle en(de) yegewelcke zijn saken questien/ en(de) gescillen die hij uutstaen(de) heeft oft namaels hebbe(n)/ sal mogen tegen wat p(er)sone(n) dat dat zij alle zijn jair/ gulde opcomingen v(er)vallen chijsen renten erfpachten en(de)/ sculden die men den vors(creven) bertelmeeuse sculdich mach/ sijn oft namaels wezen in wat manie(re)n dat zij die voir/ alle(n) richte(re)n gheestelic en(de) weerlic Ten eynde uut/ te vervolghen dair voir te panden te dagen rasteme(n)te(n)/ te doen leggen die met rechte texeque(re)n (et)c(etera) en(de) vortae(n)/ generalic (et)c(etera) p(ro)mitt(ens) rat(um) salvo iusto calculo feb(ruarii) xviii