Item willem van haesdonck voirspreke die hem gepijnt hadde/ te rechte te betrecken voir den raide vander stat johannen/ tainginsart dochter wilen henricx weduwe jans wilen cools/ janne dierix en(de) janne masaleyne die borghe bleven wae(re)n/ voir d(er) vors(creven) johannen te rechte te comen seggen(de) hoe hij/ and(er)wilen bijd(en) vors(creven) johanne(n) en(de) janne wilen hue(re)n man/ als hij leefde te wercke gestelt wae(re) geweest om seke(r)/ saken van wijne en(de) and(er)s voire m(ijn) gened(ichen) he(re)n raide en(de)/ te loven(en) dair af zij hem van zijnen arbeide en(de) v(er)legge(n)/ sculdich wae(re)n bleve(n) xxxvi holl(andsche) guld(en) met meer worden bij/ hem v(er)haelt Dwelc de vors(creven) joha(n)ne ontkinde seggen(de)/ dat zij wae(re) eens ingeseten(en) poirtersse van des(er) stat/ geliefde hem hair [oft hae(re)n borgen] aentespreken dat hij dat dade dair/ dat behoirde zij woude hem gheerne antweerden/ Wair op de raet vand(er) stat beide de voirs(creven) p(ar)tien stelden/ voir meye(r) en(de) scepen(en) va(n) loven(en) aldair de sake/ vors(creven) genoech bijden vors(creven) willem(me) v(er)haelt was [is geweest] als voir/ en(de) ten uutersten [de selve willem] den voirs(creven) borgen vand(er) vors(creven) borchtocht/ quijtschout behalve(n) hem zijnen rechte opd(er) voirscr(even)/ johanne(n) p(rese)ntib(us) scabinis in scampno maii ii