Item aert [va(n)] botlant sone wilen jans woenen(de) te westkerke in zeella(n)t/ ende cornelijs van botlant sone wile(n) florijs woenen(de) insgelijcx ter/ voirs(creven) plaetsen van westkerke in p(rese)ncia p(ro)mis(eru)nt ind(ivisim) rikaerde de/ borchgrave woenen(de) tshertogenbossche zwagher des voirs(creven) [arts] lxxxvii(½)/ r(yns) gulden te xx stuv(er)s stuc te betalen Te weten de vii(½) r(yns) guld(en)/ dair af morgen des daighs metter sonnen ind(er) stad va(n) ant/ werpen dair de voirs(creven) rikaert dan wesen sal de xl r(yns) g(ulden)/ dair af tsintjansmisse baptisten naestcomen(de) ende dand(er) xl/ te bamisse dair na volgende als schout mette(n) uterliken/ vonnisse verwonnen en(de) v(er)reyct Met condicie(n) waert dat/ aert de lxxx r(yns) gulden(en) voirs(creven) ten voirs(creven) ii payen gave en(de)/ betaelde anthonise jonge janssone te ziericxee oft zijne(n) moet/ dair af gecrege also dat de voirs(creven) rikart zijn zeghele/ ende brieve wederom moege hebben die de voirs(creven) anthonis/ van hem heeft uut saken van tachtentich zeve tarwen/ soe sal de voirs(creven) rijkart dair mede te vreden zijn Welke/ lxxxvii(½) r(yns) gulden(en) voirs(creven) oirspronck nemen van soe vele ghe/ leents ghelts ende waren die de voirs(creven) aert van botlant/ gekint heeft dat de voirs(creven) rijkart zijn zwagher he(m) duech/ delijc ende in vrienscapen gedaen heeft ende telke(n) vande(n)/ voirs(creven) t(er)mijne(n) oft de voirs(creven) aert en(de) cornelijs de voirs(creven) pay/ menten ende daghe(n) niet en hielden op een pene ende abanduyn/ van xx r(yns) g(ulden) ten prise voirs(creven) die de voirs(creven) aert ende cornel(ijs)/ openbaerlijc bekint hebben dair aen verbuert te hebben oft zij/ de voirs(creven) termijne oft e(n)nige van dien liete(n) ov(er)gaen aen m(ijn) genedige(n)
//
hee(r) den hertoge waer zij oft hue(r) goede onder den selven onsen/ genedigen heere bevonden selen werden in wat landen ons ge(ne)[d(ichs)]/ he(re)n dat gebuerde Ende oft zij oft hue(r) goede binne(n) oft buten/ lants bevonden werden ende de voirs(creven) paymente(n) oft e(n)nige/ van dien hadden laten overgaen soe sal die pene oft aband(uyn)/ v(er)schijnen ende gevallen zijn deen helicht onsen voirs(creven) gened(ichen)/ hee(r) ende dander helicht den smalen hee(r) dair onder de voirs(creven)/ gelovers in live(n) oft goede(n) bevonden selen werden En(de) de voirs(creven)/ pene oft abanduyn bijden voirs(creven) rikaerde oft zijne(n) p(ro)cur(eur) volcomel(ic)/ gemechticht overgegeve(n) sal zijn Ende voirs(creven) de voirs(creven) somme/ heeft hem mede verlooft aenden voirs(creven) rikaerde als p(ri)ncipael/ schuldere ende een voir al metten voirs(creven) aerde ende cornelise/ meester henric bolgry p(er)soen van grazen religieux sgoidshuys/ van heileshem in mel(iori) for(ma) renu(n)c(ians) quo ad hec En(de) de voirs(creven) art/ ende cornel(ijs) hebbe(n) geloofft ind(ivisim) de(n) voirs(creven) m(eester) henricke h(ier) af scadel(oes)/ tontheffen en(de) de voirs(creven) aert heeft voirt gelooft de(n) voirs(creven)/ cornel(ise) scadeloes hier af tontheffen oppend(orp) dor(ma)le junii t(er)cia