Uut dien dat vrouwe katlijne van quaderebbe weduwe he(re)n symoens/ wijlen pynnox ridders als geleit totten goeden have en(de) erve henrix/ wijlen busscops van libbeke voir tgebrec van vier rijders lijfpen(sien)/ op in dijssendaige lestled(en) nae dat hue(r) de goede geheel en(de) al ond(er)/ den meye(r) van libbeke wae(re)n gelevert en(de) oic eene(n) wage(n) met/ drie p(er)den hier inder stat bijde(n) vorste(r) jasp(ere)n claes hadde doen/ dach doen pete(re)n henricke arnde en(de) janne busscop gebruede(re)n/ kinde(re) des vors(creven) wijlen henrix goirde gheerde en(de) g(er)truyde(n) busscops/ ond(er) den vors(creven) meye(r) van libbeke en(de) zij dat zoe bij c(er)tificatien/ vand(en) selve(n) meye(r) zoe bij claerniss(en) des vors(creven) jasp(er)s op heden/ wel bewijsde ende ten vors(creven) voirleden(en) daige van rechte/ noch oic op heden nyema(n)t voir oogen en qu(am) Soe wijsde(n)/ de vo(n)nissen der scepen(en) van loeven(en) datmen de vors(creven) vrouwe/ katlijne(n) vand(en) vors(creven) goede(n) houde(n) soude inde macht van hue(re)n/ vors(creven) beleide zoe verre dat noch voir scepen(en) come(n) is p(rese)ntib(us)/ scabinis in sca(m)pno octobr(is) iii/ H(ier) na volgen de goede/ Ierst een huys en(de) hoff geleg(en) inde prochie van libbeke ter plaetse(n)/ geheete(n) ter molen It(em) een bloc geleg(en) inde selve p(ro)chie ter/ plaetsen geheeten goerbroec met noch twee stucken lants It(em)/ vijf bedden metten toebehoirte(n) vier ee(re)n potten vi ty(n)nen potten/ vier paer slapelaken(en) drie oercussen(en) drie zijdelen twee bancke(n)/ vijf coeyen twee ledich rinde(re) drie p(er)de zesse wa vercken(en) eene(n)/ waghen [en(de)] eene(n) ploech met allen hue(re)n toebehorte(n) eisd(em)