Cont zij allen lieden dat goessen vanden vere sone wilen weyns/ in p(rese)ncia heeft genomen en(de) bekint genomen te hebben/ tegen den eerweerdighen hee(r) he(re)n gielise vranx deken/ der kercken van sinte peters te loven(en) thof des selfs he(re)n/ gielis ghelegen ten berghe metten huysen hoven wynnen(de)/ landen beempden eeuselen bogarden en(de) allen ande(re)n toebehoirte(n)/ Te houden te hebben en(de) te wynnen van half merte naest/ comen(de) eenen t(er)mijn van neghen jae(re)n lanc deen na dand(er)/ zonder middel vervolgend(de) elx jairs dae(re)nbynnen o(m)me/ en(de) voir de helicht van allen den vruchten opde voirscr(even)/ goede jairlix wassende en(de) de vors(creven) beempden en(de) eeuselen/ om en(de) voir twintich grypen te xl pl(a)c(ken) tstuc tsinte mertens/ messe inden wynt(er) te betalen en(de) te loven(en) te leve(re)n den vors(creven)/ he(re)n gielise quolib(et) ass(ecutu)[m] Item es vorweerde dat de vorscr(even)/ wynne de helicht vand(en) voirs(creven) vruchten toebehoe(re)nde den/ voirs(creven) he(re)n gielise inde schue(r) des vors(creven) hoofs op hem selven inne/ vueren sal jairlix eer hij tsijne sal mogen rueren Item sal/ de voirs(creven) wynne de vors(creven) goede wynnen werven en(de) mesten wel/ en(de) loflic gelijc reengenoten boven en(de) beneden te weten(e) den/ roggen art op vier getidege voren den even(en) art op ii voren/ en(de) den gersten art op drie voren en(de) tsijnen afscheiden sal hij/tsijnen afscheiden met rogge besayet laten een stuc lants/ van vii boende(re)n gelegen t(er) sijden te loven(en) weert met eenen/ stucken geheten de hoeve houden(de) ii boender tbloc gelegen/ te pellenberch houden(de) v dach(mael) op mynnevelt ii boender inde/ hage ii boender en(de) op scridelle een half boender ende/ de brake te weten(e) opde wolfverdelle iii boend(er) achter thoff te/ pellenberch weert iiii(½) boender omgedaen Item de voirscr(even)/ wynne sal alle jare den voirs(creven) t(er)mijn due(re)nde leve(re)n int vors(creven)/ hoff c walme(re)n om de huysinge mede te decken en(de) alsmen/ dair dect sal de vors(creven) wynne den wercluden den montcost/ gheven uutgescheiden vanden huysen die die vors(creven) heer giel(is)/ selve bewoent als hij dair is Item sal de vors(creven) her gielis/ te hemweert behouden thoyhuys en(de) de solders boven dwagen/ huys Item es vorweerde dat de vors(creven) wynne allet ghene/ dat hij oft yemant van zijnen wegen int voirs(creven) hof bynnen den/ vors(creven) termijne breken sal sal weder doen maken tsijnen/ coste Item en sal de voirs(creven) wynne sonder consent des vors(creven)
//
he(re)n gielis tvoirs(creven) hof niemant anders mogen uutgheven Item [sal] de/ vors(creven) wynne de waterleesen leiden op zijnen cost also d(air) toebehoert/ en(de) de goede bevreedt laten also hijse bevinden sal Item de voirs(creven)/ wynne sal voir uut hebben een half boend(er) lants om crucken/ op te sayen voir die scape inde stortte Item de vors(creven) her gielis/ sal voir uut hebben vanden oofte den brasemperele(r) Item sal/ de vors(creven) wynne mogen hoervruchten inde brake een half boend(er)/ lants oft d(air) voir een dachmale rapen tot hue(re)r beider behoeff/ Item de vors(creven) her gielis sal jairlix int vors(creven) hof gheven xlv/ mandelen stroes en(de) de vors(creven) wynne van buyten xv mandelen soe/ wanneer dat he(m) die thiende af gaet Item de vors(creven) wynne/ sal den vors(creven) he(re)n gielise jairlix wynte(re)n en(de) some(re)n een coe Item/ sal de vors(creven) wynne jairlix den vors(creven) her gielise vueren zijn beringe/ wijshout en(de) rijs en(de) vorts zijn wijngart hout staken wijn en(de)/ des hem behoeft Item de vors(creven) wynne sal jairlix mergelen/ drie dachmalen lants Item desgelix sal de voirs(creven) wynne den/ vors(creven) he(re)n gielise v halen en(de) vue(re)n ald(er)hande dingen des/ men behoeven sal ten berghe tzijnen huys en(de) wed(er)om van/ zijnen huys totten berghe het en wae(re) dat hij e(n)nich nyeuwe/ huys maken woude want d(air) de vors(creven) wynne niet innegehoud(en)/ en soude zijn en(de) des sal de vors(creven) wynne d(air) voir hebben jairlix/ eenen tabbart van drie ellen delle van xl pl(a)c(ken) oft tghelt/ dair voir dwelc de vors(creven) her gielis best gelieven sal Item de/ voirs(creven) wynne sal tzijnen afscheiden int vors(creven) hof laten twelf/ mandelen roggen stroes en(de) sesse mandelen somerstroes/ Item de vors(creven) wynne sal jairlix de helicht vanden oofte/ op de vors(creven) goede wassen(de) des vors(creven) he(re)n gielise te loven(en) leve(re)n/ dairt hem gelieven sal en(de) vanden lese(re)n sal her gielis/ voirs(creven) de dachue(re)n betalen en(de) de wynne den montcost En(de)/ dese voirs(creven) vorweerd(en) condicien en(de) gelooften heeft [hebben] de vors(creven)/[h(er) giel(is) renu(n)c(ians)] wynne te voldoene tallen tijden (et)c(etera) cor(am) blanckart maes/ oct(obris) vii