Item jan puttart en(de) henric puttart zijn sone p(ri)us emancip(atus)/ in p(rese)ncia hebben gelooft ongesundert vruwe johannen/ van wesemale vruwe vand(er) ryvie(re)n oft hue(re)n procur(eur) en(de)/ vorgeng(er) ten tijde zijnde jairlix soe lange de selve vruwe/ leven sal te loven(e) te diest oft ter ryvie(re)n d(aer)t der selv(er)/ vruwen best gelieve(n) sal [te leveren] alsulken sesthien mudde(n) corens/ pachx en(de) mate van sint truden als de vors(creven) henric jairlix/ heeft op div(er)se goede en(de) ond(er) pande gelegen te muysen(en)/ en(de) toelbeke omtrent sint truijden die de vors(creven) vruwe/ joha(n)ne hue(re)n leefdach lanc sculdich is te heffen ten/ coste des vors(creven) jans en(de) henricx talsulken tijde alsmen/ die gewoenlic is te leve(re)n Et d(i)c(t)us henricus p(ro)misit/ d(i)c(tu)m suu(m) p(at)rem ind(empnem) (con)servare oppend(orp) ouderogghe/ julii viii